शुक्रवारी रात्री नऊ वाजल्यापासून ते सोमवारी सकाळी सहा वाजेपर्यंत वीकेण्ड कर्फ्यु लावण्यात आला होता. त्यामुळे सर्वत्रच नीरव शांतता पसरली होती. दरम्यान भाजी विक्री व इतर काही अत्यावश्यक सेवा सुरू ठेवण्यात आल्या असल्या तरी एपीएमसी मार्केट शनिवार रविवार दोन दिवस बंद होते.
त्यानंतर आता सोमवारी सकाळी एपीएमसी येथील भाजी मार्केट एपीएमसी मार्केट सुरू झाल्याने अनेकांनी या ठिकाणी गर्दी केली होती. अनेक नागरिकांनी उपस्थिती दर्शविली होती.
यादरम्यान कोरोनाचे सर्व नियम पाळून हे एपीएमसी मार्केट सुरू झाल्याने समाधान व्यक्त करण्यात आले. बेळगाव-वीकेंड कर्फ्यूमुळे दोन दिवसांचा बंद असणारे बेळगावमधील एपीएमसी मार्केट आज खुले असून भाजी खरेदीसाठी अनेकांनी या ठिकाणी गर्दी केल्याचे दिसून आले.
एपीएमसी मधील कांदा मार्केट बटाटा मार्केट रताळी मार्केट भाजी मार्केट हे सर्व सुरू झाले आहे दोन दिवसानंतर या ठिकाणी सर्व व्यवहार सुरळीत करण्यात आल्याने समाधान व्यक्त होत असले तरी राज्य सरकारकडून आणखी कर्फ्यू लावण्याची शक्यता व्यक्त करण्यात येत आहे.
त्यामुळे एकच दिवस हे मार्केट सुरू राहील का असा संशय ही निर्माण झाला आहे. दरम्यान सायंकाळी चार वाजता कॅबिनेट बैठक झाल्यानंतर पुन्हा कर्फ्यू वाढण्याची शक्यता व्यक्त करण्यात येत आहे. त्यामुळे याकडे आता व्यापाऱ्यांचे व नागरिकांचे लक्ष लागून राहिले आहे.
एपीएमसीच्या प्रशासकीय मंडळाने भाजी मार्केट काही अंशी बंद ठेवून सर्व व्यवहार रस्त्यावर करण्याचे सांगितले आहे. त्यामुळे अनेकांनी रस्त्यावर वाहनांची गर्दी केली होती तर अनेक व्यवहार त्याच ठिकाणी सुरू झाले होते. यामुळे बाजारपेठेत संपूर्ण गर्दी झाली आहे आणि किरकोळ विक्रेत्यांनी होल सेल मार्केटलाही बंद केल्याचेही समजते.
