Friday, March 29, 2024

/

मार्गसूचीनुसार बकरी ईदचे आचरण करा : जिल्हाधिकारी

 belgaum

बकरी ईदच्या पार्श्वभूमीवर आज जिल्हाधिकारी कार्यालयामध्ये बैठक पार पडली. यावेळी कोविड -19 च्या पार्श्वभूमीवर सरकारने जारी केलेल्या मार्गदर्शक सूचनांनुसार बकरी ईदचे आचरण करावे असे जिल्हाधिकारी एम.जी. हिरेमठ यांनी यावेळी सांगितले.

३१ जुलै तसेच काही ठिकाणी १ ऑगस्ट रोजी बकरी ईद साजरी केली जाणार आहे . या पार्श्वभूमीवर या बैठकीचे आयोजन करण्यात आले होते. यावेळी मुस्लिम समाजातील मान्यवर, अधिकारी या सभेमध्ये सहभागी झाले होते. यावेळी कोविड पार्श्वभूमीवर होणाऱ्या बकरी ईद बद्दल चर्चा करण्यात आली. बकरी ईदच्या पार्श्वभूमीवर नमाज तसेच इतर धार्मिक विधींबाबत खबरदारी घेण्यासंदर्भात या बैठकीत चर्चा करण्यात आली.

बेळगाव जिल्ह्यात ईदगाह मैदानावर बकरी ईदच्या निमित्ताने सामूहिक नमाज पठण करण्यास बंदी घालण्यात आली आहे . राज्य सरकारच्या मार्गसूचीनुसार मशिदींमध्ये ठराविक लोकांना नमाज पठण करण्यास परवानगी देण्यात आली आहे .

 belgaum
Dc bakari id meeting
Dc bakari id meeting

यावेळी बोलताना जिल्हाधिकारी महांतेश हिरेमठ म्हणाले कि, राज्यात तसेच जिल्ह्यात कोरोनाचा फैलाव जास्त प्रमाणात वाढला आहे . त्यामुळे ईदगाह मैदानावर किंवा इतर कोणत्याही ठिकाणी सामूहिक नमाज पठणास बंदी घालण्यात आली आहे .तसेच सरकारच्या मार्गसूचीनुसार केवळ ५० लोक मशिदीमध्ये नमाज पठण करु शकतात . ५० पेक्षा अधिक लोक असतील तर त्यांनी बॅच ठरवून त्यानुसार नमाज पठाण करावे. मशिदीत प्रवेश करण्यापूर्वी थर्मल स्क्रीनिंग, मास्क परिधान करणे अनिवार्य आहे . ६० वर्षांपेक्षा जास्त आणि १० वर्षांखालील मुलांना मशिदीत प्रवेश करण्यासाठी सक्त मनाई आहे. तसेच इतर आजारांनी ग्रस्त असलेल्या नागरिकांनाही मशिदीत प्रवेश देण्यास मनाई करण्यात आली आहे. हे सर्व नियम काटेकोरपणे पाळण्यात यावे, नियम मोडणाऱ्यांवर कायदेशीर कारवाई करण्यात येईस अशी माहितीही जिल्हाधिकाऱ्यांनी दिली आहे.

या बैठकीला शहर पोलीस आयुक्त डॉ . त्यागराजन , जिल्हा पोलीस अधीक्षक लक्ष्मण निंबरगी, अपर जिल्हाधिकारी अशोक दुडगुंटी, पालिका आयुक्त जगदीश के. एच , अंजुमन-ए-इस्लाम चे अध्यक्ष राजू सेठ , वक्फ बोर्डाचे चेअरमन गफूर घीवाले , एसीपी नारायण बरमनी, एसीपी चंद्रप्पा आणि इतर मान्यवर उपस्थित होते.

View this post on Instagram

'बकरी ईदच्या पार्श्वभूमीवर कडोलीत कपाळावर चंद्र असलेलं बकरं' बकरी ईद हा सण अवघ्या दोन दिवसांवर येऊन ठेपला आहे. या सणांमध्ये ज्या बकर्‍यावर "चांद" असतो त्या बकऱ्याला बाजारात मोठी मागणी असते. सध्या कपाळावर चांद असलेले एक बकरे कडोलीत पहावयास मिळत आहे. कडोली (ता. बेळगांव) येथील सावकार गल्लीतील नागरिक वैजनाथ बळवंत पाटील यांनी गेल्या दीड वर्षापासून एक बकरं पाळलं आहे. काळ्या रंगाच्या या बकऱ्याच्या कपाळावर पांढरा शुभ्रा "चंद्र" (अर्धचंद्राकृती पांढरे चिन्ह) आहे. रमजान व बकरी ईद सारख्या सणासाठी या पद्धतीने शरीरावर विशेषता कपाळावर "चंद्र" असलेली बकरी अत्यंत शुभशकुनी मानली जातात. त्यामुळे संबंधित सणादिवशी बाजारात या बकऱ्यांना मोठी मागणी तर असतेच शिवाय भली मोठी किंमत मोजून या बकऱ्यांची खरेदी जाते. कडोली येथील वैजनाथ पाटील यांच्याकडे असलेल्या सुमारे 20 किलो वजनाच्या बकऱ्याच्या कपाळावर देखील "चांद" चे चिन्ह आहे. हे बकरे विक्रीस काढण्यात आले असून वैजनाथ पाटील यांनी त्यासाठी मोठा दर निश्चित केला आहे. त्याचप्रमाणे बकरे खरेदी करू इच्छिणाऱ्यांनी 9739707592, 8904328586 या क्रमांकावर संपर्क साधण्याचे आवाहन केले आहे.

A post shared by Belgaum live (@belgaumliveofficial) on

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.