Friday, March 29, 2024

/

सितार वादन आणि गायनाची बहारदार बैठक

 belgaum

सुरेल संवादिनी संवर्धन आणि स्वर मल्हार ,बेळगाव तर्फे सितार आणि गायनाची बहारदार बैठक संपन्न झाली . ‘स्वर मल्हारची ‘ही आठवी बैठक होती.बैठकीची सुरुवात अकॅडमी ऑफ म्युझिक ची विद्यार्थिनी कुमारी तन्मयी सराफ हीच्या गायनाने झाली.

तिने राग मधुवंती मध्ये बडा ख्याल ‘कैसे कैसे जाऊ ‘आणि छोटा ख्याल ‘रंगरलिया करत खिलाडी ‘अशा दोन बंदिशी आणि द्रुत एकतालातील तरानाअतिशय तयारीने पेश केला. त्यानंतर देवीस्तुती सादर करून आपले गायन समाप्त केले.

Sitar vadan
बैठकीच्या दुसऱ्या सत्रात बेंगलोरहून आमंत्रित उस्ताद हाफिज खान यांचे बहारदार सितार वादन आणि गायन संपन्न झाले. सितार वादन सादर करताना त्यांनी राग मारुबिहाग आणि त्यानंतर राग मिश्र पिलू मधील धून सादर केली. त्यानंतर सुमधुर आवाजात ठुमरी ‘का करू सजनी आये ना बालम ‘ एक दासर पद आणि शेवटी भैरवी ‘कैसे कटे दिन रैन ‘सादर केली.

 belgaum

या बैठकीला श्री.अंगद देसाई , (तबला)आणि श्री. सारंग कुलकर्णी , (संवादिनी)यांची पूरक साथ-संगत हे मैफिलीचे वैशिष्ट्य होते.
सुरुवातीला श्रीमती अरुंधती सुखटणकर, श्रीयुत बंडू कुलकर्णी सर, उस्ताद हाफिज खान आणि श्री गजानन कुलकर्णी यांच्या हस्ते दीपप्रज्वलन करण्यात आले.

“सुरेल संवादिनी संवादिनी” तर्फे उस्ताद हाफिजजींचा बेळगावचे सुप्रसिद्ध वकील डॉ. एस बी शेख यांच्या हस्ते शाल आणि पुष्प देऊन सन्मान करण्यात आला.श्रीमती रोहिणी कुलकर्णी यांनी कलाकारांचा परिचय आणि संपूर्ण कार्यक्रमाचे सूत्रसंचालन केले. स्वर्ण मल्हारच्या बैठकीला रसिक श्रोत्यांनी उदंड प्रतिसाद दिला.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.