चार महिन्यापुर्वी घरफोडी करून लाखोंचा ऐवज लंपास केलेल्या घरफोडी करणाऱ्या एका टोळीला अटक करण्यात मारिहाळ पोलिसांनी यश मिळवलं आहे.पोलिसांनी त्यांच्या जवळील 4 लाख 62 हजार किंमतीचे 146 ग्रॅम सोन्याचे दागिने आणि 2 लाख 6 हजार 830 रुपये रोख रक्कम जप्त केली आहे.
गेल्या 8 फेब्रुवारी रोजी तुंमुरगुदी येथील अज्ञात चोरट्यानी कुलूप तोडून घरात कुणी नसलेलं पाहून प्रवेश करत कपाटातील 3 लाख रुपये रोख रक्कम 41 ग्रॅम सोन्याचे दागिने लंपास केले होते त्या नंतर यल्लपा यांनी मारिहाळ पोलिसात तक्रार दाखल केली होती.त्या नुसार मारिहाळ पोलिसांनी या प्रकरणाचा तपास करत सहा जणांना गजाआड केलं आहे.
पोलिसांनीदिलेल्या माहितीनुसार चोरी झालेल्या तुमुरगुदी गावातील बसवराज होसुरी 24,महेश शिणगी 19,महंतेश शिणगी 26 यल्लप्पा नाईक 24,भीमशी मुतेन्नावर 19,कमलेश गस्ती 21 अशी घरफोडी प्रकरणी अटक केलेल्यांची नावे आहेत.
सदर घरफोडी प्रकरणाचा छडा लावल्याने पोलीस आयुक्त बी एस लोकेशकुमार,डी सी पी रोहिणी हटगुंडी यांनी मारिहाळ पोलीस निरीक्षक विजय शिंनूर आदी सहकाऱ्यांचे अभिनंदन केले आहे.
