बेळगावमधील हलगा-मच्छे बायपास हा सुपीक जमीनीतून होणारा रस्ता बंद करुन अल्पभूधारक गरीब शेतकऱ्यांना वाचवा अशी मागणी शेतकऱ्यांनी पंतप्रधान नरेंद्र मोदी यांच्या कडे केली आहे.याबाबत पंतप्रधान कार्यालयाला मेल द्वारे पत्र लिहून मागणी केली आहे.
बायपास हा रद्द व्हावा व त्याला पर्याय म्हणून शेतीवरुन रस्ता केल्यास शेतीही वाचेल आणी विकासही साधता येईल म्हणून मा.पंतप्रधान यांच्याकडे तक्रार दाखल केली आहे अशी माहिती राजू मर्वे यांनी बेळगाव live कडे दिली आहे.
शेतकऱ्यांनी पंतप्रधानांना असे पत्र लिहिले आहेत त्यातील मुद्दे असे आहेत
*महोदय*
आंम्ही बेळगाव शहर व ग्रामीण भागातील अल्पभूधारक गरीब शेतकरी. पावसाच्या पाण्यावरच शेती पीकत येथील बासमती भात प्रसिद्ध आहे.2/3 एकर शेतीच्यावर कुणाचीही शेती नाही.तरीही ती आत्मीयतेने कसत त्यावर कुंटूब चालत.पण आता विकासाच्या नावाने तिबार पीकी सुपीक जमीनीतून केंद्र शासन राष्ट्रीय महामार्ग प्राधिकारण खात्याच्या मदतीने 90℅ शेतकऱ्यांचा विरोध असतानां,मा.कर्नाटक उच्च न्यायालयात दावा प्रलंबीत असतानांही शेतकऱ्यांचा विरोध पायदळी तुडवत पोलीसी दंडूकेशाही दाखवत अनेक शेतकऱ्यांनी नुकसान भरपाईही न घेता बेकायदेशीरपणे 60 मीटरचा भला मोठा रस्ता करण्यास सूरु केला आहे. रितसर सर्वे सुध्दा नाही.
अशा पीकाऊ जमीनीतून रस्ता न करता जवळच पडिक जमीन आहे तिथून रस्ता बनवावा म्हणून शेतकऱ्यांनी लेखी पत्रही शेतकऱ्यांनी सामूहिकपणे दिलंय.पण त्याकडे अक्षम्य दुर्लक्ष करुन शेतकऱ्यांना कंगाल करण्याच्या उद्देशाने हा रस्ता करणे सूरु आहे.
हा रस्ता होऊनये म्हणून 2002 पासून विरोध करत थांबवला.पण आता त्या विरोधाला पोलीसी दहशत दाखवत हा सूमारे 8/9 कि.मी.रस्ता मच्छे,मजगाव,अनगोळ,शहापूर, वडगाव,माधवपूर,हालगा,बेळगाव या सुपीक जमीनीतून जाणारा बायपास आपण शेतकऱ्यांप्रती आत्मीयता दाखवत थांबवावा अथवा त्याच शेतीवरुन फ्लाय ओवर रस्ता बनवून शेतीही वाचेल आणी विकासही साधेल यासाठी प्रामाणीक प्रयत्न व्हावेत.कारण दिल्लीत 20 कि.मी.फ्लाय ओवर रस्ता होतो तर येथील 8/9 कि.मी.करण्यात कोणतीच अडचण येणार नाही.
वरील सर्व पर्यायांचा विचार करुन ताबडतोब येथील अल्पभूधारक सुपीक जमीनीत पीकवून चरितार्थ चालवणाऱ्या शेतकऱ्यांना न्याय मीळवून द्यावा अशी या हालगा-मच्छे बायपासमधील सर्व शेतकऱ्यांतर्फे आपल्याला हात जोडून कळकळीची ह्रदयद्रावक विनंती.
*जय किसान*
पंतप्रधान कार्यालयाचा आलेला रिप्लाय असा आहे
Your Communication has been registered with registration number PMOPG/E/2019/0225563. Please visit at: https://pgportal.gov.in/status for further details.
