Friday, March 29, 2024

/

‘सरकारी योजनेची माहिती मराठीतून द्या’

 belgaum

तालुका पंचायत कार्यक्षेत्रात मराठीतून कागदपत्र देण्यात येत आहेत मात्र ग्राम पंचायतमध्ये ही सुविधा देण्यात येत नाही त्यामुळे सरकारी कोणत्याही योजना आल्याची माहिती कोणालाच समजत नाही. त्यामुळे यापुढे सर्व योजनांची माहिती मराठीतून देण्यात यावी, अशी मागणी करण्यात आली.

तालुका पंचायतीच्या सर्वसामान्य बैठकीत महाराष्ट्र एकीकरण समितीच्या वतीने ही मागणी करण्यात आली आहे. तालुका पंचायत सदस्य सुनील अष्टेकर, रावजी पाटील यांच्यासह अनेक सदस्यांनी ही मागणी केली. यावेळी याबाबत विचार करू, असे आश्वासन देण्यात आले आहे.

मागील अनेक बैठकीत मराठी कागदपत्रांची मागणी करण्यात आली होती. त्यामुळे मागील दोन बैठकीत मराठीतून कागद पत्रे देण्यात आली आहेत. यापुढे आता सर्व ग्राम पंचायत मधून ही कागदपत्र मिळण्यासंदर्भात चर्चा करण्यात आली.

 belgaum

याबाबत मराठीतून कागसपत्रे हवी असल्यास संबंधितांनी आवाज उठविल्यास ते शक्य आहे. मात्र याबाबत ग्राम पंचायत सदस्यांतुन दुर्लक्ष करण्यात येत असल्याचे दिसून येत आहे. त्यामुळे आता ग्राम पंचायत पातळीवरही आवाज उठवण्याची गरज निर्माण झाली आहे.

TP meeting

बैठक दीड तास उशिरा सुरू

तालुका पंचायत बैठक तब्बल दीड ते दोन तास उशीरा सुरू झाली. या बैठकीचे वारंवार गंभीर्य हरवत चालले असून काही अधिकारी 12 वाजले तरी अनुपस्थित होते.

तालुक्याचा विकास साधण्यासाठी ही बैठक बोलविण्यात आली आहे. मात्र दोन तास उशिरा सुरू झाल्याने चर्चा कोणत्या विषयावर होणार हा प्रश्न निर्माण झाला होता.

वारंवार ही बैठक का उशिरा सुरू होते याचा विचार मात्र करण्यात येत नाही, यापुढे अशा चुका होणार नाहीत यावर भर देण्याची गरज निर्माण झाली असून अधिकाऱ्यांनी वेळेवर उपस्थित राहण्यासाठी प्रयत्न करण्याची गरज आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.