कैलास मानस सरोवर यात्रा फिरायला गेलेल्या बेळगावच्या प्रवाश्यांना नेपाळ मध्ये अडचणींचा सामना करावा लागला आहे.
पुणे येथील रघुकुल ट्रॅव्हल्स च्या माध्यमातूनबेळगावातील श्रीकांत झंवर,श्रीनिवास तापडिया,बाळकृष्ण टोपीनकट्टी हे मानस सरोवर यात्रेला गेले आहेत.
रघुकुल ट्रॅव्हल च्या वतीनं नेपाळ मधील पर्यटकांची सोय दुसऱ्या स्थानिक ट्रॅव्हल्स कंपनी कडून केली जाते मात्र रघुकुलने त्या नेपाळच्या कंपनीचे देणे थकविल्याने स्थानिक कम्पनीने त्या बेळगावच्या प्रवाश्यांना सोय देण्यास नकार दिला त्यामुळे बेळगावातील त्या प्रवाश्यांचे हाल झाले होते.
मानस सरोवर यात्रेवर असणारे पर्यटक सध्या काठमांडू पासून 200 की मी अंतरावर तैमुर गावा जवळ वास्तव्यास आहेत पर्यटकांनी नेपाळ मधील स्थितीची कल्पना भारतीय आणि नेपाळ दूतावासला दिली आहे तेथून चीन सीमा जवळ आहे. बेळगावातील पर्यटकांनी स्वता कडचे पैसे नेपाळ मधील स्थानिक कंपनीला देऊन पुढील यात्रा चालूच ठेवली आहे.बेळगावातील पर्यटक सुखरूप असून त्यांनी पुढचा प्रवास सुरु केला आहे.
