धामणे ग्राम पंचातीचे तीन सदस्य आणि एका तालुका पंचायतीच्या सदस्याला अज्ञातानी टार्गेट करत घरासमोर आणि शेतात लावलेली वाहन जाळली आहेत. या घटनेने धामणे गावात एकच खळबळ उडाली आहे . शनिवारी मध्यरात्री ही घटना घडली असून एकूण २ कार ३ दुचाकी आणि एक ट्रक्टर संपूर्ण जळून खाक झाला असून २ ट्रक जाळण्याचा प्रयत्न आणि दगडफेकीत एक कार काचा फोडण्यात आल्या आहेत . या घटनेत २५ लाखाहून अधिक संपत्तीच नुकसान झाल आहे .
पोलीस सूत्रांनी दिलेल्या माहिती नुसार ग्राम पंचायत सदस्य नितीन पाटील यांच्या घरासमोर पार्क केलेल्या दोन कार आणि तीन दुचाकी,३० पोती बासमती भात तर ग्राम पंचायत सदस्य मनोहर पाटील यांचा शेतात लावलेला ट्रक्टर, तालुका पंचायत सदस्येच्या दोन ट्रक पूर्ण जाळण्याचा प्रयत्न तर पंचायत सदस्य विजय यांची घरासमोर लावलेली कार दगडफेक करून काचा फोडल्या आहेत. शनिवारी रात्री आग लागल्या नंतर अग्निशामक दलास पाचारण करण्यात आल होत तरी देखील अग्निशामक दलाच्या गाड्या येई पर्यंत नितीन पाटील आणि मनोहर पाटील यांच्या गाड्या पूर्ण पणे जळून खाक झाल्या आहेत. या प्रकरणी बेळगाव ग्रामीण पोलिसात गुन्हा नोंद झाला आहे .
पोलीस सूत्रांनी दिलेल्या माहिती नुसार हे जळीत कांड राजकीय पूर्व वैमनस्यातून झाले असावे काय किंवा गावात बार घालण्यावरून झालेल्या वादातून पंचायत सदस्यांना टार्गेट केल आहे का याचा तपास सुरु झाला आहे .
नितीन पाटील यांचा साहसीपण
ग्राम पंचायत सदस्य नितीन पाटील यांच्या घर खाली दुचाकी आणि कार पार्क करण्यात आल्या होत्या नितीन आपल्या कुटुंबासह पहिल्या मजल्यावर राहतात आग लागली तेंव्हा नितीन याचं समोरील दरवाजा अज्ञातांनी लॉक केला होता त्यामुळे आपल्या घरातून पहिल्या मजल्यावरून खिडकीतून उडी मारून घरात पहिल्या मजल्यावर प्रवेश केला आणि आपल्या कुटुंबास सुखरूप वाचवत सहास दाखवले आहे. या घटनेत नितीन यांच्या कुटुंबातील श्वास गुदमरून लहान मुलगा अत्यवस्थ झाला असून रूपा पाटील नावाच्या महिला गुदमरून किरकोळ जखमी झाल्या आहेत दोघांना उपचारासाठी के एल ई इस्पितळात दाखल करण्यात आल आहे.
