आज सोशल मीडिया सर्व क्षेत्रात प्रभावी ठरत असुन याचे फायदे देखील अनेकाना होत आहे.बेळगावातील उच्च शिक्षित युवकाने फेसबुक व्हाट्स अप्प या सोशल मीडिया च्या माध्यमातून व्यवसाय सुरु करुन करियर निवडलय खरं तर इंजिनियरिंग करून कुठंही तो नोकरी करू शकला असता मात्र त्याने सोशल मीडियाचा वापर करत बेळगाव सारख्या लहान शहरात ऑनलाईन फळ भाजी सप्लाय करायला सुरू केलाय आणि यशस्वी झालाय
कुमेल बरफवाला या मेक्यानिकल इंजिनियर असणाऱ्या तरुणाने सब्जी वाली या नावाने बेळगावात ही किमया केली असून टेम्पो द्वारे सप्लाय केल्याने त्याला ग्राहकांचा चांगला प्रतिसाद लाभत आहे .
बेळगाव मधील कुमेलच्या कुटुंबाचा वडिलोपार्जित व्यवसाय कोल्ड स्टोरेजचा आणि तो इंजिनियर पण त्याने सोशल मिडीयाचा वापर करून भाजी आणि फळे विक्रीचा व्यवसाय सुरु केला आहे . व्हाटसअप त्याने कॉम्प्यूटरला जोडले असून त्या व्हाटसअप क्रमांकावर ग्राहक आपल्याला आवश्यक असलेल्या भाजीची ऑर्डर देतात . ऑर्डर आल्यावर त्याप्रमाणे भाजी एका ट्रेमध्ये भरली जाते आणि नंतर भाजी ग्राहकाच्या घरी पोचवली जाते . बाजारातल्या भाजी इतकाच त्याचा दर असून ग्राहकाला भाजी ताजी आणि घरपोच मिळते . अनेक वृद्ध तसेच नोकरी करणाऱ्या पती पत्नीना बाजारात भाजी आणायला जाणे जमत नाही . त्यांना ही घरपोच भाजी मागवणे सोयीस्कर झाले आहे . ताजी भाजी आणि ताजी फळे ग्राहकाच्या दरवाज्या पर्यंत पोचवून गेल्या सव्वा वर्षाच्या काळात कुमेलने ग्राहकांचा विश्वास संपादन केला आहे .
बेळगावात घरपोच भाजी फळ हवी असल्यास या व्हाट्स अप्प नंबर द्वारे करा संपर्क 07676422466
