खानापूर तालुक्यातील उचवडे गावानजीक बेळगावं जांबोटी रोड जवळ एक मृतदेह आढळला आहे.वाळपई गोवा येथील जीवन लक्ष्मण चारी वय 52 अशी या मृतदेहाची ओळख आहे.
सदर मृतदेह आज सकाळी उचवडे गावानजीक संशयास्पद अवस्थेत आढळून आला होता. त्याचा गळा दाबून खून करून नंतर मृतदेह उचवडे येथील जंगलात आणून टाकण्यात आला असावा असा संशय पोलीसांनी व्यक्त केला आहे.
16 मार्चपासून जीवन हे कारगाडीसह बेपत्ता असल्याची तक्रार त्याच्या कुटुंबीयांनी वाळपई पोलीस ठाण्यात दाखल केली होती. दरम्यान आज त्यांचा मृतदेह आढळून आला असला तरी कार जवळपास कोठेच आढळली नसल्याने हा घातपाताचा संशय व्यक्त करुन खानापूर पोलीसांनी पुढील तपास हाती घेतला आहे. 2 ते 3 दिवसापूर्वी त्याचा खून करण्यात आला असावा असा अंदाज व्यक्त होत आहे.
