बेळगाव दि १९:हिंदवी स्वराज्याचे संस्थापक श्री छत्रपति शिवाजी महाराजांची ३८७ वी जयंती आज बेळगावातील मराठा लाईट इन्फंट्री रेजिमेंटल केंद्रात मोठ्या उत्साहाने साजरी करण्यात आली . सीमेवर छत्रपती शिवाजी महाराजांची शपथ आणि प्रेरणा घेऊन लढणाऱ्या या मराठा सेंटर मधील जवानांनी शिवरायांच्या घोषणांचा जयघोष केला .
मराठा सेंटरचे ब्रेगेडीयर प्रवीण शिंदे यांच्या नेतृत्वात् जवानानी मिलिटरी महादेव शिव तीर्थावरील अश्वारूढ शिवाजी महाराजांच्या पुतळ्यास हार अर्पण केला . यावेळी जवानानी शिवाजी महाराजांचा जाज्वल्य इतिहास वर आधारित महाराजांची शौर्य कथा सांगणारा पोवाडा सादर केला . पोवाडा कार्यक्रमावेळी उपस्थित जवानांनी शिवाजी महाराजांच्या जय घोष केला. शेवटी उपस्थित जवान जे सी ओ सेंटर च्या वरिष्ठ अधिकाऱ्यांनी “बोला छत्रपती शिवाजी महाराज की जय”असा जयघोष करून शिवाजी महाराजांना मानवंदना दिली.
