बेळगाव लाईव्ह :दादरहून हुबळीच्या दिशेने निघालेल्या भरधाव लोकमान्य एक्स्प्रेस रेल्वे गाडीखाली एका अज्ञात व्यक्तीने स्वतःला झोकून देऊन आत्महत्या केल्याची घटना आज मंगळवारी दुपारी 12:21 वाजण्याच्या सुमारास बेळगाव भुईकोट किल्ल्याजवळील रेल्वे रुळावर घडली.
लोकमान्य एक्स्प्रेस रेल्वे खाली आत्महत्या केलेल्या अज्ञात व्यक्तीचा मृतदेह पाहून मागून आलेल्या मिरज रेल्वेच्या चालकाने आपली रेल्वे थांबवली.
बेळगाव रेल्वे पोलिसांना घटनेची माहिती मिळताच त्यांनी ताबडतोब घटनास्थळी दाखल होऊन पाहणी केली.
तसेच पंचनामा करून मृतदेह उत्तरीय तपासणीसाठी सिव्हिल हॉस्पिटलकडे धाडला. सदर घटनेची रेल्वे पोलीस ठाण्यात नोंद झाली आहे.
