बेळगाव लाईव्ह : रिव्हर क्रॉसिंग ट्रेनिंगला गेलेल्या बेळगाव कमांडो ट्रेनिंग सेंटरच्या दोन जवानांचा बोट उलटून दुर्दैवी अंत झाला आहे. कर्नाटक महाराष्ट्र सीमेवरील तिलारी धरणाच्या बॅक वॉटरमध्ये ही घटना घडली आहे.
मिळालेला माहितीनुसार काल शनिवारी सकाळी बेळगाव कमांडो ट्रेनिंग सेंटरचे दोघे जवान रिव्हर क्रॉसिंग ट्रेनिंग साठी तिलारी धरणाच्या बॅकवॉटर परिसरात गेले होते
एका काठावरून दुसऱ्या काटा कडे जाण्यासाठी एका बोट मध्ये सहा जण बसले होते धरणाच्या मध्ये बोट पलटी झाली त्या घटनेत चार जण सुखरूप बाहेर आले तर दोन जवानांचा बुडून मृत्यू झालाआहे.
बेळगाव येथील ज्युनिअर लीडर्स विंग कमांडो ट्रेनिंग सेंटरच्या दोघा जवानांचा दुर्दैवी मृत्यू झाला आहे. मूळचा राजस्थानचा येथील असलेला 28 वर्षीय विजयकुमार दिंनवाल आणि पश्चिम बंगालचा असलेला दिवाकर रॉय अशी या दोन कमांडोंची नावे आहेत. ज्युनिअर लीडर्स विंगच्या कमांडो ट्रेनिंग सेंटर ना रिव्हर क्रॉसिंग चे प्रशिक्षण दिले जाते त्यासाठी ते तिलारीच्या बॅकवॉटर मध्ये गेले होते.
रिव्हर क्रॉसिंग वेळी बोट मधून जाणाऱ्या एकूण सहा जवानांपैकी चार जण सुरक्षित असून दोन जण बुडाले आहेत आणि त्यांचा त्यात मृत्यू झाला असल्याची माहिती मिळाली आहे.
बेळगाव जवळच्या महाराष्ट्रातील चंदगड तालुक्यातील चंदगड पोलिसांकात या प्रकरणी गुन्हा नोंद झाला आहे. बेळगाव येथील ज्युनिअर लीडर्स विंग कमांडो ट्रेनिंग सेंटर आहे देशातील सर्वात घातक असलेल्या कमांडोंचे ट्रेनिंग या ज्युनिअर लीडर्स विंग मध्ये दिले जाते. देशातील बहुतांश संरक्षण दलातील जवान येथे कमांडो ट्रेनिंग साठी येत असतात.
