बेळगाव लाईव्ह :भारतीय विमानतळ प्राधिकरणाने (एएआय) राऊंड -I 2024 साठी जारी केलेल्या नव्या ग्राहक समाधान निर्देशांक (सीएसआय) अहवालानुसार बेळगाव विमानतळाच्या ग्राहक समाधान मानांकनात घसरण झाली आहे. विमानतळाने मागील सर्वेक्षण गुण (स्कोअर) 4.97 च्या तुलनेत 4.73 इतके कमी गुण मिळवले आहेत.
विविध परिमाणांमध्ये (पॅरामीटर्स) प्रवाशांचे समाधान मोजणाऱ्या या सर्वेक्षणातून असे दिसून आले की, बेळगाव विमानतळाने अनेक महत्त्वाच्या क्षेत्रात खराब कामगिरी केली आहे.
त्यापैकी पुढील श्रेणींतील समाधानामध्ये सर्वात लक्षणीय घट दिसून आली आहे. पार्किंग सुविधांच्या पैशासाठी मूल्य : प्रवाशांनी पार्किंग सेवांच्या किंमतींबद्दल असमाधान व्यक्त केले असून हे विमानतळाने देऊ केलेल्या सुविधांमधील (ऑफरिंग) सर्वात कमकुवत पैलूंपैकी एक म्हणून चिन्हांकित केले आहे. चेक-इन
रांगेतील प्रतीक्षा वेळ : चेक-इन प्रक्रियेची कार्यक्षमता आणि गती नकारात्मकरित्या मूल्यांकित गेली होती, प्रवाशांनी दीर्घकाळ प्रतीक्षा एक महत्त्वपूर्ण गैरसोय म्हणून उद्धृत केली होती. विमानतळावर आपला मार्ग
शोधण्यात सुलभता : विमानतळाच्या आत मार्ग संचालन (नेव्हिगेशन) ही आणखी एक दुखरी नस होती. ज्यामुळे प्रवाशांना स्पष्ट चिन्हे आणि दिशानिर्देश शोधण्यासाठी संघर्ष करावा लागतो. टर्मिनलच्या आत चालण्याचे अंतर : टर्मिनलचा आराखडा (लेआउट) आणि डिझाइन ज्यासाठी प्रवाशांना चालावे लागणारे लांब अंतर हे समाधानाचे गुण कमी करण्यास कारणीभूत ठरले.
रेस्टॉरंट/खाण्याच्या सुविधेचे मूल्य : अन्न आणि पेये यांची किंमत खूप जास्त मानली गेली. ज्याचा विमानतळावरील जेवणाच्या एकूण अनुभवावर परिणाम झाला. खरेदी सुविधांच्या पैशासाठीचे मूल्य : टर्मिनलमधील खरेदी पर्यायांच्या परवडण्याबाबत अशाच प्रकारच्या चिंता व्यक्त केल्या गेल्या. इंटरनेट प्रवेश/वाय-फाय: कनेक्टिव्हिटी समस्या, विशेषत: विमानतळाच्या वाय-फाय सेवेने अनेक प्रवाशांना निराश केले. प्रसाधनगृहे/शौचालयांची स्वच्छता : स्वच्छतागृहांची स्वच्छता आणि देखभाल खराब दर्जाची होती, ही एक महत्त्वाची बाब आहे जी प्रवाशांच्या आरामावर लक्षणीय परिणाम करते. बॅगेज डिलिव्हरीचा वेग : बॅगेज हाताळणी प्रणालीची कार्यक्षमता हे आणखी एक चिंतेचे क्षेत्र होते. बॅगेज डिलिव्हरीच्या विलंबामुळे प्रवाशांच्या एकूण अनुभवावर प्रतिकूल परिणाम होतो.
सीएसआय गुणांमधील लक्षणीय घट हा ज्याला पूर्वी भारतातील लहान विमानतळांमधील एक उगवता तारा म्हणून पाहिले जात होते, त्या बेळगाव विमानतळासाठी एक मोठा धक्का आहे. त्यामुळे प्रवाशांचा विश्वास पुन्हा संपादन करण्यासाठी आणि भविष्यातील मानांकन सुधारण्यासाठी विमानतळ प्राधिकरणाने संबंधित समस्यांचे त्वरित निराकरण करणे आवश्यक आहे. एएआय चे सीएसआय सर्वेक्षण हे देशभरातील विमानतळांच्या कामगिरीचे मूल्यांकन करण्यासाठी एक महत्त्वाचे साधन आहे. हे विमानतळ व्यवस्थापन चमुला मौल्यवान अभिप्राय प्रदान करते. त्यांना प्रवाशांचा अनुभव वाढवण्यासाठी माहितीपूर्ण निर्णय घेण्यास सक्षम करते. राउंड-I 2024 चे निकाल आल्यामुळे बेळगाव विमानतळ पुढील मुल्यांकनाच्या फेरीपूर्वी आपली सेवा सुधारण्यासाठी आता कोणती पावले उचलणार याकडे सर्वांचे लक्ष असेल.
