Friday, May 24, 2024

/

हाॅकी ॲस्ट्रोटर्फसाठी हॉकी बेळगावचे पालक मंत्र्यांना निवेदन

 belgaum

बेळगाव लाईव्ह:बेळगावने भारताला चार ऑलिंपिक हाॅकी खेळाडू दिले. तथापी कर्नाटक शासनाने बेळगावसाठी अद्याप आंतरराष्ट्रीय दर्जाचे हाॅकी मैदान दिलेले नाही.

तरी बेळगावात तात्काळ ॲस्ट्रोटर्फ हॉकी मैदानाची उभारणी करण्यात यावी, अशी मागणी हॉकी बेळगाव संस्थेतर्फे आज जिल्हा पालकमंत्री सतीश जारकीहोळी यांच्याकडे करण्यात आली.

हॉकी बेळगाव संस्थेतर्फे सचीव सुधाकर चाळके यांच्या नेतृत्वाखाली आज मंगळवारी सकाळी जिल्हा पालक मंत्री सतीश जारकीहोळी यांना उपरोक्त मागणीचे निवेदन सादर करण्यात आले. बेळगांव हे हाॅकी खेळाचे माहेरघर आहे. एकेकाळी हॉकीमध्ये बेळगावचा मोठा दबदबा होता.Satish j

 belgaum

आज देखील जिल्ह्यात 500 हून अधिक खेळाडू हाॅकीचा नित्यनेमाने सराव करीत आहेत. तथापि ॲस्ट्रोटर्फ मैदानाची कमतरता असल्याने येथील खेळाडू राष्ट्रीय स्तरावर पोहोचू शकत नाहीत ही वस्तुस्थिती आहे अशी माहिती यावेळी देऊन बेळगावसाठी हाॅकीचे ॲस्ट्रोटर्फ मैदान किती गरजेचे आहे हे सचिव सुधाकर चाळके यांनी मंत्र्यांना पटवून दिले. निवेदनाचा स्वीकार करून पालकमंत्री जारकीहोळी यांनी लवकरात लवकर योग्य ती कार्यवाही करण्याचे आश्वासन दिले.

निवेदन सादर करतेवेळी सचिव चाळके यांच्यासह हॉकी बेळगावचे उपाध्यक्ष विनोद पाटील, प्रकाश कालकुंद्रीकर, मनोहर पाटील, नामदेव सावंत, केपीसीसी सदस्या आयेशा सनदी आदी उपस्थित होते.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.