बेळगाव लाईव्ह :युवकांच्या गटाने पोलिसाच्या हातामधील लाठी काढून घेत पोलिसांवरच हल्ला केल्याची घटना बेळगाव शहराजवळील काकती भागातल्या लक्ष्मी नगर येथे घडली आहे.
या घटनेबाबत समजलेली अधिक माहिती अशी की काकती येथील लक्ष्मीनगर मध्ये मुस्लिम समाजामध्ये एका लग्न समारंभात मध्यरात्री डॉल्बी लावल्याने याचा त्रास आजूबाजूच्या घरांतील लोकांना झाल्याची तक्रार पोलिसांना देताच चौकशीसाठी घटनास्थळी गेलेल्या पोलिसाने परवानगी नसताना डॉल्बी का लावला अशी विचारणा केली असता पोलिसांशी वाद घालून पोलिसाच्या हातातली लाठी घेऊन पोलिसांना मारहाण करण्याची घटना घडली आहे.
काकती येथील लक्ष्मी नगरचे निवासी वासिम मकानदार यांच्या घराच्या समोर लग्न समारंभाच्या निमित्ताने संतोष भंडारी आणि राघवेंद्र श्रीशैल लोगावे या दोघांनी पेंडॉल घातला होता त्यावेळी परवानगी नसताना देखील साऊंड सिस्टीम डॉल्बी लावण्यात आली होती. रात्रीचे बारा वाजता वाजले असताना देखील डॉल्बी बंद करण्यात आली नव्हती त्यामुळे या आवाजाचा त्रास आजूबाजूच्या लोकांना होत होता त्यामुळे त्रस्त झालेल्या स्थानिकांनी पोलिसांना याची कल्पना दिली त्यावेळी घटनास्थळी चौकशी करण्यासाठी गेलेल्या पोलिसाने कोणतीही परवानगी नसताना डॉल्बी का लावली अशी विचारणा केली असता पोलिसांच्या पोलीस कॉन्स्टेबल माशापुरे यांच्यावर मंडपात साऊंड सिस्टिम लावलेले संतोष आणि राघवेंद्र यांनी हल्ला केला.
पोलीसाच्या हातातली लाठी काढून घेत परत त्यांनी पोलिसाला मारहाण केल्याची घटना घडली आहे.या प्रकरणी काकती पोलीस स्थानकामध्ये घटनेची नोंद झाली असून लग्नाच्या कार्यक्रमांमध्ये आयोजकांनी परवानगी न घेतल्याने त्यांच्यावर आणि डॉल्बी मालकावर पोलिसात गुन्हा दाखल करण्यात आला आहे.
