बेळगाव लाईव्ह:बेळगाव सह सीमा भागात काळा दिवस सुतक दिवस म्हणून पाळण्याचा निर्णय आणि तालुका समितीची नवीन कार्यकारणी निवडीचे सर्वाधिकार वकील राजाभाऊ पाटील यांच्याकडे देण्याचा मार्कंडेय साखर कारखान्याच्या विजयी पॅनलचे अभिनंदन करण्याचे महत्वपूर्ण ठराव तालुका समितीच्या बैठकीत घेण्यात आले.
या रविवारी दुपारी मराठा मंदिर येथे तालुका महाराष्ट्र एकीकरण समितीची बैठक आयोजित करण्यात आली होती. या बैठकीच्या अध्यक्षस्थानी अँड राजाभाऊ पाटील होते.
मराठी सीमाभाग अन्यायाने एक १नोव्होबर १९५६ रोजी तात्कालीन म्हैसूर व आताच्या कर्नाटक राज्यात डाबण्यात आल्यामुळे गेल्या ६७ वर्षापासून आपण काळा दिन गांभीर्याने हा काळा दिन सुतक दिन म्हणून पाळत असतो. येत्या 1 नोव्हेंबर रोजी होणाऱ्या काळा दिनाच्या सायकल फेरीत सीमा भागातील हजाराच्या संख्येने सीमावासीयानी आणि मोठ्या संख्येने सहभाग होऊन केंद्र सरकारचा निषेध करून हा सीमाभाग महाराष्ट्र राज्यात सामील करावा ही सायकल फेरी यशस्वी करावी असे आवाहन बेळगाव तालुका महाराष्ट्र एकीकरण समितीचे उपाध्यक्ष राजाभाऊ पाटील यांनी केले.
वकील प्रसाद सडेकर यांच्या चिरंजीवांचे मैसूर विद्यापीठात सुवर्ण पदक मिळवल्याने अभिनंदनाचा ठराव करण्यात आला.बेळगाव तालुका महाराष्ट्र एकीकरण समितीची चिटणीस एम जी पाटील यांनी प्रास्ताविक करून महाराष्ट्र एकीकरण समितीचे दिवंगत कार्यकर्त्यांना श्रद्धांजली वाहिली.
महाराष्ट्र एकीकरण समितीचे कार्यकर्ते माजी कृषी उत्पन्न बाजार समितीचे सदस्य आर के पाटील, शिवाजी खांडेकर, युवा आघाडीचे चिटणीस मनोहर संताजी, मार्कंडेय सहकारी साखर कारखान्याचे उपाध्यक्ष आर आय पाटील, आर एम चौगुले, रामचंद्र मोदगेकर,अनिल पाटील, शिवाजी सुंठकर आदींनी आपले विचार व्यक्त केले.
यावेळीआर आय पाटील, आर एम चौगुले, रामचंद्र मोदगेकर, माजी जिल्हा पंचायत सदस्य सरस्वती पाटील, शिवाजी सुंठकर, सुनील अष्टेकर, पुंडलिक पावशे, मनोहर संताजी, आर के पाटील,लक्ष्मण होनगेकर, नारायण सांगावकर, अँड प्रसाद सडेकर, महादेव बिर्जे, बि डी मोहनगेकर,रावजी पाटील, निलेश शिंदे अनेक कार्यकर्ते मोठ्या संख्येने उपस्थित होते.
