बेळगाव लाईव्ह: बेळगाव शहर परिसरात मध्यरात्री चोरट्याने उच्छाद घातला असून पांगुळ गल्ली परिसरातील तीन आणि शनी मंदिर परिसरातील दोन अशा एकूण पाच दुकानातून चोरी केली आहे.
शहरात शुक्रवारी मध्यरात्री चोरट्यांनी धुमाकूळ घातला असून मार्केट पोलीस स्थानक कार्यक्षेत्रातील भेंडी बाजार परिसरातील न्यू लाईफ मेडिकल, संस्कार सारीज आणि सिध्देश्वर ट्रेडर्स या तीन दुकानातून तर शनी पद्मावती चेंबर मधील अशोक स्टोअर्स आणि शनी मंदिर जवळील एक अश्या पाच दुकानातून हजारोंचा डल्ला चोरट्यांनी मारला आहे त्यामुळे शहरातील व्यापाऱ्यांत एकच दशहत माजली आहे.
मिळालेल्या माहितीनुसार पाचही दुकानातून हजारो रुपयांचा ऐवज लंपास करण्यात आला आहे. पांगुळ गल्ली येथील संस्कार साडी या दुकानातून 20 हजार रुपये रोख रक्कम आणि महागड्या साड्या पळवल्या आहेत या शिवाय न्यू लाईफ मेडिकल दुकानाचे शटर खोलून आत शिरताना चोरटे सीसीटीव्हीं मध्ये कैद झाले आहेत. मेडिकल दुकानात चोरी करणारे युवक आहेत ते चौघे जण असून तीस वयापेक्षा कमी आहेत.
मेडिकल मधून ऐवज लंपास झाल्याची माहिती मिळाली आहे मात्र नेमका आकडा पोलीस स्थानकात गुन्हा नोंद झाल्याचं उपलब्ध होणार आहे. व्यापाऱ्यांनी जनतेने सतर्क राहण्याची गरज असून पोलिसांनी बाजारपेठेत रात्रीची गस्त वाढवावी अशीही मागणी वाढू लागली आहे.
शनिवारी सकाळी पोलिसांनी घटनास्थळी भेट देऊन श्वान पथकासह पाहणी केली.
https://x.com/belgaumlive/status/1718118396917637226?s=20
