कर्नाटक तांत्रिक परीक्षा मंडळ बेंगलोर यांच्या वतीने गेल्या जून जुलै 2023 मध्ये घेण्यात आलेल्या अंतिम वर्षाच्या डिप्लोमा अर्थात पदविका परीक्षेत गोमटेश पॉलिटेक्निक कॉलेजचा विद्यार्थी मोक्ष व्ही. व्ही. याने सिव्हिल शाखेत घवघवीत यश संपादन करताना राज्यात प्रथम क्रमांक पटकावला आहे.
डिप्लोमा सिव्हिल इंजीनियरिंग विभागाच्या अंतिम वर्षाच्या परीक्षेत मोक्ष व्ही. व्ही. याने ट्रान्सपोर्टेशन इंजीनियरिंगमध्ये राज्यात सर्वाधिक 99.5 टक्के गुण संपादन केले आहेत.
या पद्धतीने राज्यात प्रथम क्रमांक मिळवत त्याने गोमटेश पॉलिटेक्निक कॉलेजच्या इतिहासात एक नवा कीर्तिमान स्थापित केला आहे. मोक्ष हा गोमटेश शिक्षण संस्थेचे संचालक सनथकुमार यांचा चिरंजीव आहे. त्याला आई-वडिलांच्या प्रोत्साहनासह कॉलेजचे प्राचार्य, विभाग प्रमुख आणि प्राध्यापक वर्गाचे बहुमोल मार्गदर्शन लाभले.
डिप्लोमा परीक्षेत राज्यात प्रथम क्रमांक मिळवल्याबद्दल मोक्ष व्ही. व्ही. याचा गोमटेश पॉलिटेक्निक कॉलेजतर्फे शाल घालून सत्कार करण्यात आला. यावेळी आपल्या मुलाला मिठाई भरवून आपली प्रतिक्रिया व्यक्त करताना गोमटेशचे संचालक सनथकुमार यांनी माझा मुलगा मोक्ष याने जे घवघवीत यश मिळविले आहे त्याचा आई-वडील या नात्याने आम्हाला तसेच गोमटेश शिक्षण संस्थेचा संचालक या नात्याने मला मोठा अभिमान आहे.
कॉलेजचे प्राचार्य विभाग प्रमुख आणि प्राध्यापकांच्या मार्गदर्शनामुळेच माझ्या मुलाला हे यश प्राप्त झाले आहे. यासाठी संबंधित सर्वांचा मी आभारी आहे. याच पद्धतीने मोक्षने यापुढील इंजीनियरिंग अभ्यासक्रमात उज्वल यश मिळवून गोमटेश संस्थेसह बेळगाव शहराचे नांव उज्वल करावे हीच माझी अपेक्षा आहे असे सांगितले.
गोमटेश कॉलेजच्या मोक्ष याने मिळवला सिव्हिल इंजिनिअरिंग मध्ये राज्यात प्रथम क्रमांक #mokshavb#civilengneering#Gomtesh
# pic.twitter.com/6yxDMvZyED— Belgaumlive (@belgaumlive) August 3, 2023
