सौंदत्ती (जि. बेळगाव) येथील श्रद्धास्थान असलेल्या सुप्रसिद्ध श्री यल्लमा देवी मंदिराला गेल्या मे व जून महिन्यामध्ये भक्तांकडून एकूण तब्बल 1.37 कोटी रुपयांची देणगी मिळाली असून यामध्ये 1,30,42,472 रुपये इतकी रोख रक्कम, 4.44 लाख रुपये किमतीचे सोन्याचे दागिने आणि 2.29 लाख रुपयांच्या चांदीच्या दागिन्यांचा समावेश आहे.
सौदत्ती श्री यल्लम्मा देवी मंदिरात 1.37 कोटींची देणगी जमा झाली असून मंदिराच्या कार्यकारी अधिकार्यांनी मे आणि जून महिन्यात रोख आणि वस्तू अशा दोन्ही देणग्या मोजण्याची जबाबदारी घेतली आहे.
यल्लम्मनागुड्डा हे देशभरातील विविध राज्यांमधील लाखो भाविकांना आकर्षित करत असते. हे भक्त यांचा नवस पूर्ण झाल्यामुळे श्री यल्लम्मा देवीला कृतज्ञता म्हणून रोख रक्कम, सोन्याचे दागिने आणि चांदी अर्पण करतात.
यंदा कर्नाटक सरकारच्या शक्ती योजनेंतर्गत महिलांसाठी मोफत वाहतुकीची सुविधा उपलब्ध झाल्यामुळे देणग्यांमध्ये लक्षणीय वाढ झाली आहे. गेल्या दोन महिन्यांपासून सौंदत्ती यल्लमा देवी मंदिरात महिला भाविकांची वर्दळ मोठ्या प्रमाणात वाढली आहे.
शक्ती योजनेच्या माध्यमातून महिलांच्या मोठ्या संख्येने होणाऱ्या आगमनामुळे मंदिराच्या उत्पन्नात तर वाढ झाली आहेच शिवाय या धार्मिक स्थळाची एकूण लोकप्रियता आणि महत्त्वही वाढले आहे.
