सोशल मीडियावर काल गुरुवारी दिवसभर तिसऱ्या रेल्वे गेट येथील नव्या उड्डाण पुलावरील खड्डा गाजत होता. याची तात्काळ दखल घेत त्या खड्ड्याच्या दुरुस्तीचे काम हाती घेण्यात आले आहे.
तिसऱ्या रेल्वे गेट येथील उड्डाण पुलाचे उद्घाटन झाल्यानंतर अवघ्या 24 तासात काल पहिल्याच दिवशी या पुलावरील रस्त्यावर खड्डा पडण्यास सुरुवात झाली होती. या प्रकाराचा सोशल मीडियावर काल दिवसभर मोठा गाजावाजा झाला.
त्याची दखल घेत रेल्वे प्रशासनाने आज शुक्रवारी युद्धपातळीवर पुलावरील त्या खड्ड्याच्या दुरुस्तीचे काम हाती घेतले आहे.
एकंदर वाहतुकीस खुला झाल्यानंतर अवघ्या दोन दिवसात सदर उड्डाण पुलावरील रस्त्याच्या दुरुस्तीची वेळ आल्यामुळे नागरिकात तीव्र नापसंती व्यक्त होत आहे. तसेच तिसऱ्या रेल्वे गेट उड्डाण पुलाचे स्ट्रक्चरल ऑडिट करण्याची मागणीही पुढे येऊ लागली आहे.
