वन्य प्राण्यांचा आदिवास संकुचित होत चालला आहे जंगले तोडली जात आहेत याचेच परिणाम जंगली प्राणी शहराकडे वळू लागले आहेत शुक्रवारीच्या जाधव नगर येथील घटनेने हीच गोष्ट परत एकदा अधोरेखित झाली आहे. बेळगाव शहराच्या आजूबाजूचा परिसर हा जंगलमय आहे परंतु हळूहळू शहरी पाऊले जंगलाकडे पडू लागल्याने वन्य प्राणी आणि माणूस यांच्या संघर्ष तीव्र होत चालला आहे. हत्ती, गवे रेडे, आणि आता बिबट्याने बेळगावात एंट्री घेतली आहे. या पाश्ववभूमीवर परत एकदा माणूस आणू वन्य प्राणी यांच्यात संघर्षाच्या नांदी दिसू लागल्या आहेत.
बिबट्या सदृश्य प्राण्याने खणगाव येथील ३८ वर्षीय बांधकाम मजूर सिद्राय निलजकर यांच्यावर हल्ला करून किरकोळ जखमी केले हि बातमी जखमींच्या आईला समजताच कोमल हृदयाच्या त्या मातेने हंबरडा फोडला आणि त्या धक्याने तिचे निधन झाल्याची हृदय द्रावक घटना खणगाव येथे घडली आहे. एखाद्या व्यक्तीच्या अस्तित्वाची त्याच्याच कुटुंबियांना किती गरज असते किंवा मानवीय मने किती एकमेकात गुंतलेली असतात हे यावरून दिसून येते.
शुक्रवारी दुपारी जाधव नगर येथील घटनेत सिद्राय निलजकर या कामगाराला बिबट्या सदृश्य हल्ल्यात किरकोळ दुखापत झाली होती हि घटना त्यांची आई शांता निलजकर वय ६५ यांना कळताच त्यांना धक्का बसला आणि त्यांचा हृदयाच्या झटक्याने निधन झाले.
किरकोळ जखमी झालेल्या सिद्राय याना उपचार घेऊन घरी जायच्या आता स्वतःची आई गेल्याची दुःखद बातमी कानावर पडणे हे दुर्दैव आहे. कोणत्याही माणसाचे आपल्या आईवर सर्वाधिक प्रेम असते मुलगा कितीही मोठा झाला तरी मुलापेक्षा आईचे मुलावर असलेल्या प्रेमाची तुलना होऊ शकत नाही जखमी झालेल्या सिद्रायच्या आईने मनाला चटका देणारी एक्झिट केली आहे.
आता सध्या नागरिकांनी रात्री अपरात्री हिंडताना झाड झुडपाच्या आसपास जाताना काळजी घेण्याची गरज आहे त्याच बरोबर कुत्रे , मांजरे यांच्या हालचाली वरूनही आसपास वन्य प्राणी वावर करत आहेत का याचा अंदाज येतो त्यावरून लोकांनी निसर्गाशी ओळख करून घेणे गरजेचे आहे.
