गोल्फ क्लब जंगल परिसरात बिबट्याचा वावर असल्याने गुरुवारी ११ आगष्ट रोजी गोल्फ क्लब जंगल परिसरातील २२ शाळाना सुट्टीअसणार आहे. जिल्हाधिकारी नितेश पाटील यांनी याबाबत आदेश बजावला आहे. सोमवार पासून या शाळांना खबरदारीचा उपाय म्हणून सुट्टी बजावण्यात आली होती सुट्टीचा आदेश आणखी एक दिवस गुरुवारी देखील वाढवण्यात आला आहे.
बिबट्याचा वावर आढळल्याने खबरदारीचा उपाय म्हणून गोल्फ क्लब जवळील शहरातील १३ आणि ग्रामीण भागातील ९ अश्या एकूण २२ शाळांना गुरुवारीही सुट्टी असणार आहे. बिबट्याच्या वावराने लहान मुलांच्या सुरक्षितेच्या दृष्टिकोनातून हा आदेश जारी करण्यात आल्याचे देखील जिल्हाधिकाऱ्यांनी म्हटले आहे.वन खात्याच्या वतीने बिबट्याला पकडण्यासाठी शोध मोहीम जोरात सुरु आहे.
गुरुवार ११ रोजी या खालील शाळांना सुट्टी असणार आहे.
केंद्रीय विद्यालय क्रमांक 2 आणि वनिता विद्यालय,मराठी विद्यानिकेतन,एन पी ई टी क्लब रोड के एल ई इंटरनॅशनल स्कुल कुवेम्पू नगर,सरकारी प्राथमिक शाळा विश्वेश्वरय्या नगर,सरकारी मराठी शाळा सदाशिवनगर यासह हनुमान नगर,सह्याद्री नगर ,कुवेम्पू नगर आणि सदाशिवनगर कन्नड प्रथिमक,सेंट झेवियर्स स्कुल, दूरदर्शन नगर कन्नड प्राथमिक शाळा आणि हिंडलगा ग्राम पंचायतीतील शाळांना अशा एकूण २२ शाळांना बुधवारी सुटटी देण्यात आली आहे .
इतर शाळांच्या पालकांना आवाहन
जाधव नगर आणि गोल्फ कोर्स जंगल परिसरातून ये जा करणाऱ्या या २२ शाळा व्यतिरिक्त इतर शाळातील विद्यार्थ्यांना शाळेला जाणे बंधनकारक नसेल जर जर शाळेला जावयाचे असल्यास स्वतः पालकांनी सोबत सोडावे असे आवाहन जिल्हा शिक्षणाधिकारी बसवराज नलतवाड यांनी बेळगाव live शी बोलताना केले आहे.
सोमवार पासून गोलग कोर्स जंगल परिसरातील या २२ शाळा सुट्टी आहेत मात्र बुधवार पासून इतर शाळा पूर्ववत झाल्या आहेत. कॅम्प भागातील सशाळात बुधवारी विद्यार्थ्यांची हजेरी इतर दिवसाच्या तुलनेत कमी होती.
पोलीस विभागाने रेसकोर्स आणि गोल्फ कोर्सच्या आजूबाजूच्या भागात विशेषत: जाधव नगर, हनुमान नगर, आणि जलतरण तलाव आणि आतापर्यंत बिबट्या दिसलेल्या ठिकाणी जारी केलेला अलर्ट पुढे ठेवला आहे
पोलिसांनी हनुमान नगर, जाधव नगर आणि आजूबाजूच्या परिसरांना बिबट्याच्या धोक्याबद्दल सतर्क केले आहे, स्थानिक रहिवाशांना विशेषत: अंधारात आणि पहाटेच्या वेळी विनाकारण फिरू नये असा इशारा दिला आहे.
