रोजगार हमी योजनेतून येळ्ळूर गावातील एक नाला अतिक्रमित मुक्त झाला या शिवाय नाल्याची स्वछता झाल्याने याचा शेतकऱ्यांना देखील फायदा होणार आहे.
येळ्ळूर येथील सिद्धेश्वर गल्ली पासून सुरु असलेला नाला बरीच वर्षे अतिक्रमण व अस्वछ होता. यामुळे शेतकऱ्यांचे फार मोठे नुकसान होत होते. हा नाला अवचारहट्टी रोड पासून सुरु होत लक्ष्मी तलावाला येऊन मिळतो आणि तेथून तो नाला सिद्धेश्वर गल्लीतून पुढे शेतीतुन जाऊन मच्छे जवळील रेल्वेलाईन पर्यंत होता.
पण येळ्ळूर पासून थोड्या अंतरावर हा नाला अदृश्य झाला होता ( बुजवण्यात आल्यामुळे पाण्याचा विसर्ग होत नव्हता) त्यामूळे नाल्यातील पाणी व प्लास्टिक, प्लास्टिक बॉटल, ड्रेनेज पाणी शेतात शिरून शेतीचे फार मोठे नुकसान होत होते.या भागातील शेतकरी बरीच वर्षे झाली हा नाला खुला व्हावा अशी मागणी करत होते. या नाल्याची परिस्थिती शेतकऱ्यांनी ग्राम पंचायत अध्यक्ष सतीश पाटील यांच्या निदर्शनास आणून दिली.
ग्राम पंचायतीने याची दखल घेऊन संबंधित खात्याच्या सर्वे खात्याच्या व तलाठी यांना रितसर अर्ज देऊन संबंधित अधिकाऱ्यांना व शेतकऱ्यांना विश्वासत घेऊन नाल्याची मोजणी करून घेतली.रोजगार हमी योजनेतून गावच्या महिलांना रोजगार, नाल्याची स्वच्छता आणि अतिक्रमण मुक्त, पावसात पाण्याचा निचरा व्यवस्थित होणार असल्याने शेतकऱ्यांना मदत असे अनेक फायदे एका कामाने झाले आहेत.
येळ्ळूर ग्राम पंचायत अध्यक्ष सतीश बा. पाटील व ग्राम पंचायत सदस्य यांनी उद्योगखात्री योजनेच्या माध्यमातून नाला खुदाईला आज पासून सुरवात केली.यावेळी अध्यक्ष सतीश बा. पाटील, ग्राम पंचायत सदस्य प्रमोद पाटील, रमेश मेनसे, जोतिबा चौगुले,राकेश परीट,राजू डोण्ण्यानवर,विलास बेडरे,दयानंद उघाड़े,पिडीओ अरुन नाईक,तलाठी मयूर मासेकर, माजी ग्राम सदस्य बाबूराव मुरकुटे, शिवाजी गोरल, ग्राम पंचायत कर्मचारी, शेतकारी व गावातील नागरिक आदी उपस्थित होते.
