ज्यांनी प्रकाश हुक्केरी यांच्यावर टीका केली होती त्यांना विधान परिषद निकाल हा सवदी कत्ती आणि कारजोळ यांना उत्तर आहे असा टोला के पी सी सी कार्याध्यक्ष सतीश जारकीहोळी यांनी लगावला आहे.
हुक्केरी यांनी विधान परिषदेत शिक्षक मतदारसंघात विजय मिळवल्या नंतर ते माध्यमांना प्रतिक्रिया देत होते.
शिक्षक आणि पदवी धारांनी पहिल्यांदाच काँग्रेसला कल दिलाय ही पक्षासाठी आशेची बाब आहे आम्हाला मिळालेला हा वाढीव बोनसचं आहे.इतक्या मोठ्या अंतराने काँग्रेस जिंकेल असे आम्हाला वाटले नव्हते.प्रकाश हुक्केरी यांनी राजकारणात 30 वर्षे केलेलं कार्य,समाज सेवा त्यामुळे त्यांचा हा विजय झालेला आहे. 36 विधानसभा मतदारसंघात आमदार माजी आमदार आणि कार्यकर्त्यांनी हुक्केरी यांच्या विजयात मोलाचे योगदान दिले आहे असेही त्यांनी नमूद केलं.
ते म्हणाले मागील सात आठ निवडणुकात आम्हाला मत यावेळी वाढली आहेत. जिल्ह्यात 12 आमदार आणि 3 खासदार असून देखील आम्ही मिळविलेला विजय हा महत्वपूर्ण आहे असेही जारकीहोळी म्हणाले.
