‘संघाची चड्डी’ समाजात भांडणे लावत असल्याचा आरोप विरोधी पक्षनेते सिद्धरामय्या यांच्यासह काँग्रेस नेते करत आहेत. या आरोपावर मुख्यमंत्री बसवराज बोम्मई यांनी प्रत्त्युत्तर दिले असून गेल्या ७५ वर्षांपासून राष्ट्रीय स्वयंसेवक संघ लोकसेवा करत आहे.
मात्र सिद्धरामय्या संघाविषयी अपप्रचार करत आहेत. असे म्हटले आहे. संघाने देशभक्ती केली आहे. संकटकाळी जनतेला मदत केली आहे. मात्र संघाच्या बाबतीत अनेकजण दिशाभूल करत आहेत.
सिद्धरामय्या वारंवार अपप्रचार करत आहेत. काँग्रेस नेत्यांच्या या स्वभावामुळेच राज्यात आज काँग्रेसचे नामोनिशाण संपुष्टात आले आहे. पुढील काळात काँग्रेस आपले अस्तित्व संपवेल, असा ठाम विश्वास मुख्यमंत्री बसवराज बोम्मई यांनी व्यक्त केलाय.
राज्यसभा निवडणुकीत क्रॉस मतदान होईल का? या प्रसारमाध्यमांनी विचारलेल्या प्रश्नावर उत्तर देताना मुख्यमंत्र्यांनी १० जूनपर्यंत वाट पाहण्याची सूचना केली. पाठ्यपुस्तकातील चुकांवरून विनाकारण राजकारण केले जात असून या साऱ्या प्रकाराला शिक्षणमंत्र्यांनी योग्य प्रत्त्युत्तर दिले असल्याचे बोम्मई म्हणाले.
