Friday, March 29, 2024

/

शिवरायांना अभिवादन करून शोभायात्रेला प्रारंभ!

 belgaum

सकल मराठा समाजाच्या गुरुवंदना कार्यक्रमाच्या पार्श्वभूमीवर काढण्यात येणाऱ्या शोभा यात्रेपूर्वी शहापूर छ. शिवाजी उद्यानामध्ये शिवरायांच्या मुर्ती पूजनाचा कार्यक्रम भक्तिभावाने पार पडला.

मराठा समाजाचे जगद्गुरु वेदांतचार्य प.पू. मंजुनाथ भारती यांच्या पवित्र हस्ते आज सकाळी उद्यानातील छ. शिवाजी महाराजांच्या मुर्तीचे परंपरेनुसार पूजन करण्यात आले. स्वामीजींनी महाराजांच्या मूर्तीचे पूजन करून त्यांना विनम्र अभिवादन केले.

यावेळी छत्रपती शिवाजी महाराज की जय! जय भवानी जय शिवाजी! हर हर महादेव! या घोषणा देण्यात येत होत्या. याप्रसंगी सकल मराठा समाजाच्या पदाधिकारी आणि सदस्यांसह मराठा बांधव भगवे फेटे बांधून हजारोंच्या संख्येने उपस्थित होते.

 belgaum

त्यांच्या या उपस्थितीमुळे संपूर्ण छ. शिवाजी उद्यान भगवेमय झाले होते. शिवरायांच्या मूर्ती पूजनानंतर शोभायात्रेला प्रारंभ करण्यात आला.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.