Sunday, April 21, 2024

/

जिल्ह्यात सरासरी 62.8 मि. मी. पावसाची नोंद

 belgaum

बेळगाव जिल्ह्यात गेल्या 26 दिवसाच्या कालावधीत तब्बल 16 दिवस पाऊस झाला असून आतापर्यंत सरासरी 62.8 मिलिमीटर पावसाची नोंद झाली आहे यापैकी सर्वाधिक 159 मि. मी. पाऊस बेळगाव तालुक्यात आणि सर्वात कमी 15.8 मि. मी. पाऊस कागवाडमध्ये नोंद झाला आहे.

यंदा एप्रिल महिन्यामध्ये अवकाळी पावसाने सातत्याने मोठ्या प्रमाणात हजेरी लावली आहे अचानक होणाऱ्या या पावसामुळे जनजीवन विस्कळीत होत आहे हवामान खात्याच्या माहितीनुसार या महिन्यात जिल्ह्यात पहिल्यांदा पाच एप्रिल रोजी 0.57 मिलिमीटर पाऊस झाला.

त्यानंतर 6, 7, 8 10, 11, 15, 16, 17, 18, 19, 22, 23, 24 आणि 26 एप्रिल रोजी अवकाळी पावसाने कमी जास्त प्रमाणात जिल्ह्यात हजेरी लावली. या पद्धतीने आतापर्यंत एप्रिलमध्ये जिल्ह्यात सरासरी 62.8 मिलिमीटर पावसाची नोंद झाली आहे.

जिल्ह्यातील विविध ठिकाणच्या पर्जन्यमापन केंद्रात एप्रिल महिन्यात आत्तापर्यंत झालेल्या पावसाची नोंद पुढीलप्रमाणे आहे. अथणी 68.6 मि. मी., बैलहोंगल 62.8 मि. मी., बेळगाव 159 मि. मी., चिकोडी 71.3 मि. मी., गोकाक 42.5 मि. मी., हुक्केरी 57.8 मि. मी., कागवाड 15.08 मि. मी., खानापूर 90 मि. मी., कित्तूर 47.8 मि. मी.,

मुडलगी 33.1 मि. मी., निपाणी 57.8 मि. मी., रायबाग 61.2 मि. मी., रामदुर्ग 63.2 मि. मी., सौदत्ती 42.4 मि. मी. यंदा मार्चमध्ये देखील गेल्या वर्षीच्या तुलनेत अधिक अवकाळी पाऊस झाला होता. दरम्यान, हा पाऊस ऊस पिकाला फायदेशीर तर भाजीपाला पिकांसाठी मारक ठरला असून शेतकऱ्यांची चिंता वाढली आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.