Friday, July 19, 2024

/

राज्यातील फेसमास्क सक्ती होणार रद्द?

 belgaum

कोरोनाचा प्रादुर्भाव कमी झाल्यामुळे महाराष्ट्र, दिल्ली हरियाणा प्रमाणे कर्नाटकातही राज्य सरकार फेसमास्क वापरण्याचा सक्तीचा आदेश मागे घेण्याची शक्यता आहे. खुद्द आरोग्यमंत्र्यांनी तसा सूतोवाच केला आहे.

बंगलोर येथे पत्रकारांशी बोलताना आरोग्यमंत्री डाॅ. के. सुधाकर म्हणाले, राज्यात कोरोना संसर्ग कमी झाला आहे. त्यामुळे फेसमास्क वापरण्याच्या सक्तीचा आदेश रद्द करण्याबाबत मुख्यमंत्री बसवराज बोम्मई आणि कोरोना तांत्रिक सल्लागार समितीशी चर्चा करण्यात येईल. देशातील तीन राज्यांनी मास्क सक्तीचे आदेश रद्द केला आहे.

मात्र कर्नाटक सरकारने यासंबंधीचा कोणताही निर्णय अद्याप घेतलेला नाही. कोरोनाच्या संभाव्य चौथ्या लाटेच्या पार्श्‍वभूमीवर मास्क सक्ती यापुढेही असावी की सक्ती मागे घ्यावी. याबाबत तज्ज्ञांशी चर्चा केली जाणार आहे. त्यानंतर मास्क परिधान करण्यास सूट द्यावी का? हे निश्चित केले जाईल.

चीनसह कांही देशांमध्ये कोरोनाचा नवा व्हेरीयंट आढळून आला आहे. यासंबंधी जागतिक आरोग्य संघटनेने दिलेल्या सल्ल्याचे पालन करण्यात येईल.

राज्यात कोरोनाबाधितांचे स्वॅब जिमान सिक्वेन्सिंगसाठी प्रयोगशाळेत पाठवून देण्यात येत आहेत. कर्नाटक किंवा देशात कोरोनाच्या नव्या व्हेरीयंट रुग्ण सापडलेला नाही, असेही मंत्री डाॅ. के. सुधाकर यांनी स्पष्ट केले.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.