प्रचारात आम्ही सध्या भाजपपेक्षा आघाडीवर आणि पहिल्या क्रमांकावर आहोत.आम्ही सर्व क्षेत्रांमध्ये पोहोचत आहोत.पुन्हा दुसऱ्या फेरीची मोहीम सुरू. भाजपच्या प्रचाराची अद्याप सुरुवात नाही. आणि लखन जारकीहोळी भाजप बी टीम आहेत. हे उदगार आहेत केपीसीसी कार्याध्यक्ष सतीश जारकीहोळी यांचे.
येथील काँग्रेस सभागृहात प्रसारमाध्यमांशी बोलताना आमच्या पक्षाचे उमेदवार चन्नराज हट्टीहोळी आमच्या आमदारांसह जोरदार प्रचार करत आहेत. मोठ्या फरकाने जिंकण्याचे आमचे लक्ष्य आहे, आणि ते पूर्ण होणारच .असा विश्वास त्यांनी व्यक्त केला.
भाजपकडे आता सहा हजार मतदार आहेत, या माजी उपमुख्यमंत्री लक्ष्मण सवदी यांच्या विधानावर प्रतिक्रिया देताना सतीश यांनी काही सत्य आहे का? लक्ष्मण सवदी यांचे जिल्ह्याबद्दल काय मत आहे? त्यांना त्यांच्या क्षेत्राची माहिती असायला हवी. प्रत्येक क्षेत्राची जनगणना त्यांनी आम्हाला दिली. आमच्या प्रचारात आम्ही पहिल्या क्रमांकावर आणि भाजपच्या पुढे आहोत. भाजप आमच्या मागे आहे, असे म्हणाले.
जिल्ह्याचे पालक मंत्री गायब आहेत. ज्या गोविंद कारजोळ यांना उमेदवारी निवडून आणायचे होते, त्यांनी अद्याप बैठकही घेतली नाही. कोणत्याही तालुक्यात गेले नाहीत. बंडखोर उमेदवाराला मागे टाकण्यासाठी त्यांनी कोणतेही प्रयत्न केले नाहीत.
१३ पैकी दोन आमदार बंडखोर समर्थक आहेत. 11 भाजपच्या वतीने जरी असले तरी त्यांचा कुठेही जवळ केलेले नाही. उमेदवार एकटाच भटकत आहे. त्यामुळे भाजपला पराभूत करण्याची वेळ आली आहे. असेही सतीश जारकीहोळी म्हणाले.
