दारूच्या नशेत झालेल्या मारहाणीत एका युवकाचा खून झाल्याची घटना जुना धारवाड रोड जुने बेळगाव येथे घडली आहे.मयत युवकाचे नाव सुरज गौडंवाडकर वय 23 रा जुने बेळगाव असे असून या घटनेने या भागात खळबळ माजली होती.
रविवारी रात्री दहाच्या दरम्यानच्या ही घटना घडली असून घटनास्थळी शहापूर पोलिसांनी धाव घेत पहाणी केली आहे.
पोलीस सूत्रांनी दिलेल्या माहितीनुसार सुरज हा रविवारी रात्री जुने बेळगाव नाक्यावर दारू प्यायला गेला होता सोबत दारू प्यायला गेलेल्या बरोबर वाद झाला दोघांत मारामारी झाली त्यात धारदार शस्त्राने सुरजच्या डोक्यात हल्ला कऱण्यात आला त्यात तो गंभीर जखमी झाला होता बेशुद्धवस्थेत त्याला उपचारासाठी जिल्हा रुग्णालयात दाखल करण्यात आले मात्र त्याचा काहीही उपयोग न होता डॉक्टरांनी त्याला मयत घोषित केले.
नेमका वाद कशामुळे झाला त्याचा खून कुणी का केलायाबाबत अध्याप उलगडा झाला नव्हता याबाबत शहापूर पोलीस तपास करत आहेत.घटनास्थळी पोलीस निरीक्षक विनय बडीगेर सहकाऱ्यांनी धाव घेऊन पंचनामा केलाय.
