शुक्रवारी हलगा मच्छे बायपासचे काम पोलिसांच्या उपस्थितीत पुन्हा सुरू करण्यात आले. जिल्हाधिकारी एम जी हिरेमठ यांनीही घटनास्थळी भेट देऊन पाहणी केली.
हलगा ते मच्छे दरम्यान 9.5 किमी लांबीच्या बायपास रस्त्यासाठी सरकारने 134 एकर जमीन संपादित केली. या कामासाठी संपादित केलेल्या जमिनीचा काही भाग सुपीक आहे, त्यामुळे शेतकऱ्यांचा एक वर्ग संतप्त झाला आहे.
शेतकर्‍यांनी त्यांच्या सुपीक जमिनीचा भाग देण्यास नकार दिला आहे आणि जमिनीवर ठाण मांडून विरोध केला आहे.
शेतकऱ्यांनी जिल्हाधिकाऱ्यांना ऊस, भात, गाजर अशी पूर्ण वाढ झालेली पिके दाखवली.काढणीच्या जवळ आलेले उभे पीक अचानक उद्ध्वस्त झाल्यास शेतकऱ्यांचे मोठे नुकसान होईल कारण त्यासाठी त्यांनी पैसा व श्रम खर्च केले आहेत,ही बाजू शेतकऱ्यांनी दाखवून दिली आहे.
जिल्हाधिकाऱ्यांनी यासाठी अधिक भरपाई मिळविण्याचा प्रयत्न करण्याचे आणि उर्वरित जमिनीच्या भागासाठी, आंदोलक शेतकऱ्याला सिंचनाची व्यवस्था करेल.असे आश्वासन देण्यात आले.
एकूण 27 कोटींची भरपाई 825 लोकांना देण्यात आली आहे.जर शिल्लक जमीन लहान असेल तर आम्ही त्यांच्यासाठी पर्यायी जमीन शोधण्याचा प्रयत्न करू, असेही जिल्हाधिकाऱ्यांनी सांगितले.
हलगा, झाडशहापूर, माधवपूर, जुने बेळगाव, वडगाव, शहापूर,मच्छे येथून जाणार्‍या 9-10 किमीच्या पट्ट्यासाठी सुमारे 130 एकर जमीन संपादित करावी लागणार आहे. झाडावर चढून उडी मारून आत्महत्येची धमकी देणारा शेतकरी अमित अनगोळकर म्हणाला, “आमच्याकडे तीन एकर सुपीक जमीन आहे आणि ती रस्त्याच्या कामासाठी आम्ही कोणत्याही परिस्थितीत जाऊ देणार नाही.
माझ्या जमिनीचा बाजारभाव 8 लाख रुपये प्रति एकर असताना, सरकार केवळ 1.5 लाख रुपये प्रति एकर देत आहे. पण मला पैसा नको आहे आणि माझी जमीनही विकायची नाही. माझी दोन एकर जमीन संपादित केली तर केवळ एका एकरावर आमच्या कुटुंबाचा उदरनिर्वाह शक्य होणार नाही.”
