थर्ड गेट जवळील एका घराच्या आवारात कुत्र्याच्या पिल्लांशी निर्दयपणे वागणाऱ्या एका व्यक्तीबद्दल पोलीस स्थानकात तक्रार करण्यात आली.
बेळगाव असोसिएशन ऑफ ऍनिमल वेल्फेअर( बावा )या संघटनेच्या माध्यमातून ही तक्रार झाल्यानंतर संबंधित व्यक्तीला दंड लावून यापुढे असे प्रकार करणार नाही असे लिहून घेण्यात आले तसेच गय केली जाणार नाही अशी तंबी देण्यात आली.
कुत्र्याच्या पिल्लां सोबत निर्दयपणे वागण्या संदर्भातला एक व्हिडीओ संबंधित संघटनेने पोलिसांना दिला.
मुक्या जनावरांनाही हक्क असतात त्यांच्यासोबत निर्दयपणे वागणे चुकीचे आहे. असे सांगण्यात आले होते. यामुळे गुन्हा दाखल करून कारवाई करण्यात आली आहे. अशी माहिती उपलब्ध झाली आहे.
या प्रकारच्या घटना निदर्शनाला आल्यास लागलीच नागरिकांनी बावा संघटनेशी संपर्क साधावा .कोणीही मुक्या जनावरांशी निर्दयपणे वागत असल्यास त्यांच्यावर तातडीने कारवाई करण्यासाठी पावले उचलावीत. यामुळे पुढील काळात अशा प्रकारच्या घटना घडणार नाहीत असे आवाहन करण्यात आले आहे.
