नोकरीच्या शोधात असणाऱ्या तरुणांसाठी महत्वाची बातमी आहे. प्राप्त माहिती नुसार, रेल्वे रिक्रूटमेंट सेलने अप्रेंटिसच्या विविध विभागासाठी एकूण ६ हजार ८९१ पदांसाठी नोकर भरती काढली आहे. यामध्ये वेगवेगळ्या ट्रेड्सच्या जागा भरल्या जाणार आहे.
माहितीनुसार या पदांसाठी अर्ज न्यूज लाईन मीडियाचे जॉब अपडेट मिळवण्यासाठी येथे क्लिक करा… दाखल करणाऱ्या उमेदवाराकडे कुठल्याही मान्यता प्राप्त बोर्डाच्या शाळेतून १० वी पास प्रमाणपत्र असणं बंधनकारक आहे. त्याचसोबत उमेदवाराकडे संबंधित क्षेत्रातील ITI प्रमाणपत्र असावं. उमेदवारांना अर्ज भरण्यासाठी १०० रुपये शुल्क ऑनलाईन पद्धतीने भरावं लागणार आहे. या पदांसाठी अर्ज भरणाऱ्या उमेदवारांचे वय १५ ते २४ या वयोगटातील हवे. योग्य उमेदवाराला कुठल्याही प्रकारची परीक्षा देण्याची गरज नाही.
उमेदवाराची निवड १० वी आणि आयटीआयमध्ये मिळालेल्या गुणांच्या आधारे करण्यात येणार आहे. उमेदवारांच्या निवडीची मेरिट लिस्ट लावली जाईल. रेल्वे अप्रेंटिस भरती २०२१ च्या माध्यमातून दक्षिण पूर्व मध्य रेल्वेत विविध ट्रेड्ससाठी ४३२ जागा भरल्या जातील. तर ईस्टर्न रेल्वेत ३ हजार ३६६ तर उत्तर रेल्वेत ३ हजार ९३ जागांसाठी भरती काढण्यात आली आहे.
सर्व भरती ऑनलाईन माध्यमातून अर्ज मागवण्यात आले आहेत. ज्यात ४३२ पदांसाठी १० ऑक्टोबर, ३ हजार ९३ पदांसाठी २० ऑक्टोबर २०२१, तर ३ हजार ३६६ पदांसाठी ३ नोव्हेंबर २०२१ या अंतिम तारखेपर्यंत अर्ज भरता येणार आहेत.
इच्छुक उमेदवारांनी रेल्वे भरतीच्या अधिक माहितीसाठी apprenticeshipindia.org या वेबसाईटवर भेट देऊन जाहिरात पाहू शकता आणि ऑनलाईन अर्ज दाखल करू शकता. निवडलेल्या उमेदवाराला अप्रेंटिसशिपच्या काळात सॅलरी, स्टाइपेंड देण्यात येईल.
