बेळगाव जिल्ह्यात गेल्या चोवीस तासात नव्याने 4 जणांना कोरोनाची लागण झाल्याचे आढळून आल्यामुळे आज गुरुवारी जिल्ह्यातील कोरोना बाधितांची एकूण संख्या 79,839 इतकी झाली आहे. याबरोबरच आजपर्यंत जिल्ह्यातील 14,18,850 व्यक्तींचे कोरोना वैद्यकीय निरीक्षण पूर्ण झाले आहे. तसेच जिल्ह्यात सध्या 92 सक्रिय रुग्ण आहेत.
बेळगाव जिल्ह्यात गेल्या 24 तासात नव्याने 4 कोरोनाग्रस्त रुग्ण आढळून आल्यामुळे आज गुरुवारी जिल्ह्यातील कोरोनाबाधीत रुग्णांची एकूण संख्या 79,839 इतकी झाली आहे. बेळगांव जिल्हा आरोग्य आणि कुटुंब कल्याण खात्याच्या सर्व्हिलन्स युनिटने प्रसिद्धीस दिलेल्या कोरोना वैद्यकीय पत्रकानुसार आज गुरुवारी दि. 14 ऑक्टोबर 2021 रोजी सायंकाळी 7 वाजेपर्यंत कोरोनासंदर्भात बेळगांव जिल्ह्यात एकूण 14,18,850 व्यक्तींचे कोरोना वैद्यकीय निरीक्षण करण्यात आले.
जिल्ह्यात 14 दिवसांसाठी होम काॅरन्टाईन केलेल्या जिल्ह्यातील व्यक्तींची संख्या 49,730 झाली असून हॉस्पिटलमध्ये आयसोलेशन करण्यात आलेल्या व्यक्तींची संख्या 92 आहे. काॅरन्टाईन अर्थात विलगीकरणाचा 14 दिवसांचा कालावधी पूर्ण केलेल्या लोकांची संख्या 55,349 आहे, तर काॅरन्टाईनचा 28 दिवसांचा कालावधी पूर्ण केलेल्या व्यक्तींची संख्या 1,31,33,679 आहे.
कोरोना विषाणू संसर्ग निदानासाठी एकूण 14,17,758 जणांचे स्वॅब नमुने घेण्यात आले होते. त्यापैकी 79,839 नमुन्यांचा वैद्यकीय अहवाल कोरोना पॉझिटिव्ह आला असून यामध्ये आज गुरुवारी नव्याने आढळलेल्या 4 जणांच्या अहवालांचा समावेश आहे. प्रयोगशाळेत धाडलेल्या नमुन्यांपैकी 13,29,761 नमुने निगेटिव्ह असून जिल्ह्यात सक्रिय रुग्ण (ॲक्टिव्ह केसीस) 92 आहेत. त्याचप्रमाणे 3,311 नमुन्यांचा अहवाल प्रलंबित आहे.
जिल्ह्यात मृतांची संख्या एकुण 937 आहे. कोरोना विषाणूच्या संसर्गापासून 78,810 रुग्ण मुक्त अर्थात पूर्णपणे बरे झाले असून त्यांना हॉस्पिटलमधून डिस्चार्ज देण्यात आला आहे. जिल्ह्यात आज गुरुवारी आढळलेल्या 4 कोरोनाग्रस्त रुग्णांमध्ये चिकोडी व हुक्केरी तालुक्यातील प्रत्येकी 1 रुग्णासह इतर 2 रुग्णांचा रुग्णाचा समावेश आहे.
