बेळगाव महानगरपालिकेच्या प्रभाग क्र. 23 मधील मराठी भाषिक उमेदवार माजी नगरसेविका सुधा भातकांडे यांनी आज शहापूर नार्वेकर गल्लीसह परिसरात झंझावती प्रचार फेरी काढली. यावेळी प्रत्येक घरोघरी त्यांना उत्स्फूर्त पाठिंबा व्यक्त करण्यात आला.
बेळगाव महापालिकेच्या येत्या 3 सप्टेंबर रोजी होणाऱ्या निवडणुकीसाठी प्रभाग क्र. 23 मधून माजी नगरसेविका सुधा भातकांडे पुन्हा एकवार रिंगणात उतरल्या आहेत.
आज त्यांनी शहापूर नार्वेकर गल्ली, हरिजन वाडा, विठ्ठल देव गल्ली आणि भोज गल्ली परिसरात प्रचार फेरी काढली याप्रसंगी त्यांनी घरोघरी जाऊन मतदारांच्या गाठीभेटी घेतल्या या वेळी प्रत्येक ठिकाणी मतदारांनी त्यांना उत्स्फूर्त पाठिंबा व्यक्त केला.
सुधा भातकांडे यांना विजयी करण्यासाठी माजी उपमहापौर रेणू मुतकेकर आणि माजी नगरसेविका रूपा नेसरकर यादेखील प्रचाराच्या रणधुमाळीत उतरल्या असून आज त्यांनी आपल्या समर्थकांसह शहापूर परिसरात फिरून भातकांडे यांचा प्रचार केला.
माजी नगरसेविका सुधा भातकांडे यांनी आज संपूर्ण नार्वेकर गल्लीमध्ये प्रचार फेरी काढली. यावेळी त्यांच्यासमवेत बाल गणेश युवक मंडळाचे अध्यक्ष, उपाध्यक्ष व इतर पदाधिकाऱ्यांसह युवा कार्यकर्ते उपस्थित होते.
भोज गल्ली येथील फेरीमध्ये भोज गल्लीतील युवा कार्यकर्त्यांसह श्रीराम सेनेचे सर्व पदाधिकारी आणि इतर समाज बांधव सहभागी झाले होते.
