बेळगाव शहरातील बस स्थानका जवळील नियाज या हॉटेल समूहाने सोशल मीडियावर बिर्याणीच्या जाहिरातीची एक वादग्रस्त पोस्ट टाकून धार्मिक भावना दुखावत अवमान केला असल्याचा आरोप करत सदर हॉटेल वर कारवाई करावी, अशी मागणी विश्व हिंदू परिषद व बजरंग दलातर्फे पोलिस प्रशासनाकडे करण्यात आली आहे.
पोलीस उपायुक्त विक्रम आमटे यांना निवेदन देत कारवाईची मागणी करण्यात आली आहे मात्र याचा धसका घेऊन संबंधित हॉटेलच बंद करण्यात आले आहे.
धार्मिक बाबतीत संबंधितांनी कोणतीही जाहिरात प्रसिद्ध करताना विचार करावा अपमानास्पद जाहिराती प्रसिद्ध करू नयेत, ते खपवून घेतले जाणार नाही. असा प्रकार जर पुन्हा घडला तर आमच्या भाषेत रोखठोक उत्तर दिले जाईल.
तसेच संबंधितांचे व्यवहार पूर्णतः बंद करून टाकले जातील, असा इशाराही विहिंप आणि बजरंग दलाने दिला आहे. दरम्यान, आता खबरदारी म्हणून संबंधित हॉटेलला पोलीस संरक्षण देण्यात आले आहे.
