राज्याच्या आणि बेळगाव जिल्ह्याच्या राजकारणात सर्वांचे लक्ष लागून राहिलेले गोकाकचे आमदार बेळगाव जिल्ह्याचे माजी पालकमंत्री अश्लील सी डी प्रकरणी राजकारणात पुढे काय होणार याकडे सर्वांचे लक्ष लागून राहिले आहे.
अश्लील सी डी प्रकरणी रमेश जारकीहोळी यांना मंत्रिपदाचा राजीनामा द्यावा लागला होता.गेल्या चार दिवसांपूर्वी त्यांनी मुंबई मुक्कामी महाराष्ट्राचे माजी मुख्यमंत्री देवेंद्र फडणवीस यांची भेट घेतली होती व पुन्हा मंत्रिपद मिळवण्यासाठी लॉबिंग सुरू केलं होतं.
फडणवीस यांच्या माध्यमातून रमेश जारकीहोळी यांनी दिल्ली हाय कमांडकडे संदेश रवाना केला होता तो संदेश दिल्ली पर्यंत पोहोचला असून त्यांची फडणवीस भेट यशस्वी झाली असून त्यांना दिल्लीत बुलावा आला असल्याची माहिती जारकीहोळी बंधूंच्या निकटवर्तीय सूत्रांकडून मिळाली आहे.
रविवारी सायंकाळी गोकाक मुक्कामी रमेश भालचंद्र आणि लखन जारकीहोळी या बंधूंची गुप्त बैठक होणार आहे या बैठकीत रमेश यांच्या राजकीय कारकिर्दीबाबत चर्चा केली जाणार आहे.
सोमवारी गोकाक मधील कार्यक्रम आटोपून रमेश जारकीहोळी दिल्लीला जाणार असल्याची देखील माहिती सूत्रांनी दिली आहे.गेल्या एक आठवड्या पासून रमेश जारकीहोळी सक्रिय झाले असून मुंबई मैसूर त्या नंतर आता ते दिल्ली दौरा करणार आहेत.
भाजप पक्ष श्रेष्ठीकडून अश्लील सी डी प्रकरणी क्लिन चिट मिळाल्यावर मंत्री पदाचे आश्वासन मिळाले होते त्याबाबत रमेश जारकीहोळी प्रयत्नशील असणार आहेत.
