र्नाटक राज्यातील 18 ते 45 वर्षे वयोगटातील व्यक्तींचे कोरोना प्रतिबंधक लसीकरण यापूर्वी जाहीर केल्याप्रमाणे येत्या 1 मेपासून प्रारंभ होणार नसल्याची माहिती आरोग्यमंत्री डॉ. सुधाकर यांनी दिली आहे.
कोरोना प्रतिबंधक लसीचा नवा साठा उपलब्ध होताच सरकारकडून कळविण्यात येईल, तोपर्यंत 18 ते 45 वर्षे वयोगटातील व्यक्तींनी को -वीन पोर्टलवर आपली नांवे नोंदवावीत, असे आवाहन मंत्री डॉ. सुधाकर यांनी केले आहे. आम्ही पुणे येथील लस निर्मिती करणाऱ्या संस्थेकडे लसीच्या सुमारे 1 कोटी डोसांची ऑर्डर दिली आहे.
परंतु अधिकृत माहितीनुसार यापूर्वी जाहीर केल्याप्रमाणे 1 मे पासून सुरू होणाऱ्या लसीकरणासाठी आवश्यक लस संबंधित संस्थेकडे अद्याप तयार नाही, असेही मंत्र्यांनी सांगितले. तेंव्हा ज्या लोकांनी को -वीन पोर्टलद्वारे नोंदणी केली आहे, त्यांनी 1 मे रोजी लसीकरणासाठी जाऊ नये, असेदेखील मंत्री डॉ सुधाकर यांनी स्पष्ट केले आहे.
दरम्यान, आतापर्यंत भारत सरकारने कर्नाटकला लसीचे 99.40 लाख डोस पुरवले आहेत आणि यापैकी 93.50 लाख डोस नागरिकांना दिले गेले आहेत. त्यामुळे सध्या लसीचे सुमारे 5.9 लाख डोस उपलब्ध आहेत, असे मुख्यमंत्री बी. एस. येडीयुप्पा यांनी आपल्या निवेदनात म्हंटले आहे. राज्य सरकार कोरोना प्रतिबंधक लसीचे 1 कोटी डोस खरेदी करणार आहे.
यासाठी 1 कोटी अतिरिक्त डोसांचा कार्यादेश काढण्यात आला आहे. त्याचप्रमाणे लवकरच चौथ्या टप्प्यातील लसीकरण सुरू होणार आहे. कोविड शिल्डचे 1 कोटी डोस खरेदी करण्यासाठी पुण्याच्या लस निर्मिती संस्थेला आम्ही यापूर्वीच 400 कोटी रुपये अदा केले आहेत, अशी माहितीही आरोग्य मंत्री डॉ. सुधाकर यांनी दिली.
