सालाबाद प्रमाणे येळ्ळूर (ता. बेळगाव) गावचे ग्रामदैवत श्री चांगळेश्वरी देवी, श्री कलमेश्वर आणि श्री महालक्ष्मी वाढदिवस असा संयुक्त यात्रोत्सव येत्या सोमवार दि. 3 ते गुरुवार दि. 6 मे 2021 या कालावधीत आयोजित करण्यात आला आहे.
येळ्ळूर गावातील श्री चांगळेश्वरी मंदिरामध्ये काल शुक्रवारी झालेल्या बैठकीमध्ये उपरोक्त यात्रोत्सव आयोजनाचा निर्णय घेण्यात आला. बैठकीच्या अध्यक्षस्थानी श्री चांगळेश्वरी देवी मंदिर ट्रस्टचे अध्यक्ष एन. के. कंग्राळकर हे होते.
प्रारंभी सेक्रेटरी वाय. सी. इंगळे यांनी प्रास्ताविक करून बैठकीचा उद्देश स्पष्ट केला. बैठकीत यात्रोत्सवाचा कार्यक्रम आखण्यात आला असून सोमवारी आंबील गाडे, मंगळवारी इंगळ्या, बुधवारी श्री लक्ष्मी वाढदिवस आणि गुरुवारी महाराष्ट्र मैदान येथे जंगी कुस्त्यांचे आयोजन करण्यात येणार आहे.
सदर बैठकीला विश्वस्त कमिटीचे सदस्य आणि नागरिक बहुसंख्येने उपस्थित होते.
