चेहऱ्यावर प्लासिक रॅपर बांधून एका व्यक्तीचा खून करण्यात आल्याची घटना बेळगाव जिल्ह्यातील बैलहोंगल परिसरात घडली आहे. शहराच्या बसस्थानकाजवळ असलेल्या खुल्या जागेत मृतदेह सापडला असून सदर मृतदेहाची ओळख देखील पटली आहे. शशिकांत मिरजकर (वय ३४) असे खून झालेल्या व्यक्तीचे नाव आहे.
प्राथमिक माहितीनुसार चेहऱ्यावर प्लास्टिक गुंडाळल्यामुळे प्राण गेले असल्याचा अंदाज आहे. रात्रीच्या वेळी हा खून करण्यात आला असून मृतदेह बसस्थानक परिसरात असलेल्या खुल्या जागेत टाकण्यात आला आहे.
सदर मृत व्यक्ती हि पेंटिंगचे काम करत असल्याची माहिती उपलब्ध झाली आहे. घटनास्थळी बैलहोंगल पोलीस स्थानकाच्या पोलिसांनी भेट देऊन पंचनामा केला.
खून करण्यात आलेली व्यक्ती बैलहोंगल तालुक्यात पेंटिंग कामासाठी आली होती. उत्तरीय तपासणीसाठी मृतदेह बैलहोंगल तालुका रुग्णालयात पाठविण्यात आला असून खुनाचे कारण मात्र अद्याप समजू शकले नाही.
