प्रांताधिकारी कार्यालयातील कोणतेही काम वेळेत केले जात नाही. तसेच वकिलांना या कार्यालयात आदर दिला जात नसल्याबद्दल आज मंगळवारी वकिलांनी प्रांताधिकारी कार्यालयातील न्यायालयीन काम बंद करून निषेध नोंदविला.
शेतकऱ्यांना नुकसान भरपाई मिळाल्यानंतर प्रांताधिकारी कार्यालयातील कर्मचारी वकिलांना बोलावू नका असे सांगून शेतकऱ्यांना परस्पर नुकसान भरपाई देत आहेत.
कार्यालयातील कोणतेही काम वेळेत केले जात नाही. तसेच वकिलांना त्या कार्यालयात आदर दिला जात नसल्यामुळे नाराज झालेल्या वकिलांनी आज आंदोलनाचे अस्त्र हाती घेतले होते. संबंधित सर्व वकिलांनी आज प्रांताधिकारी कार्यालयातील न्यायालयीन काम बंद करून निषेध नोंदविला.
यावेळी उपस्थित वकिलांनी प्रांताधिकारी कार्यालयासमोर निदर्शने करून कामात सुधारणा करा अन्यथा तीव्र आंदोलन छेडू असा इशाराही दिला.
याप्रसंगी बेळगाव बार असोसिएशनचे सेक्रेटरी ॲड. आर. सी. पाटील, माजी अध्यक्ष ॲड. एस किवडसन्नावर, ॲड. प्रभू यत्नट्टी, ॲड. मोहन माविनकट्टी, ॲड. सचिन शिवण्णवर, ॲड. मारुती कामाणाचे आदी बहुसंख्य वकील उपस्थित होते.