गेल्या काही दिवसांपाससून बेळगाव जिल्ह्यात छत्रपती शिवाजी महाराजांच्या पुतळ्यावरून राजकारण सुरु असताना आता चक्क अमित शहा फॅन या फेबूक पेजवर आक्षेपार्ह पोस्ट टाकण्यात आली आहे. त्यामुळे तमाम शिव भक्तांनी या गोष्टीचा तीव्र विरोध करत संताप व्यक्त केला आहे.
या फेसबुक पेज वर छत्रपती शिवाजी महाराज आणि पंतप्रधान नरेंद्र मोदी यांचा फोटो एडिट करून पोस्ट करण्यात आला आहे. या पोस्ट विरोधात पंतप्रधान कार्यालयाकडे तक्रार दाखल करण्यात आली आहे.
या पोस्टसंदर्भात पंतप्रधान आणि गृहमंत्री यांना आपल्या अधिकृत सोशियल मीडिया अकाउंट वरून असे फोटो शेअर केले जाऊ नयेत, असे निर्देश द्यावेत अशी विनंती युवा समितीच्या वतीन करण्यात आली आहे.
छत्रपती शिवाजी महाराजांची तुलना जगाच्या पाठीवर कोणाशीही होऊ शकत नाही. महाराज हे एकमेव अद्वितीय आहेत. छत्रपती शिवाजी महाराजांबाबत शिवप्रेमींच्या भावना या पराकोटीच्या आहेत. या अशा पोस्टमुळे शिवप्रेमींच्या भावनांना तडा जाण्याचे प्रकार होत आहेत.
शिवाजी महाराजांबाबतीत असे प्रकार वारंवार होत असून तमाम शिवप्रेमींच्या भावना दुखावल्या जात आहेत. हे प्रकार वेळीच थांबविण्यात यावेत, आणि भविष्यात याची पुनरावृत्ती होऊ नये, यासाठी पंतप्रधानांकडे तक्रार नोंदविण्यात आली आहे.
