तालुका पंचायतला राज्य सरकारने सकिंग मशीन दिली आहे. मात्र त्याचा उपयोग होत नसल्याने ती तशीच पडून आहे. मागील चार ते पाच वर्षापासून सकिंग मशीन पडून असल्याने त्याचा लाभ तालुक्यातील नागरिकांना होत नाही. त्यामुळे सकिंग मशीनचा वापर व्हावा यासाठी आता तालुका पंचायत अधिकाऱ्यांनी प्रयत्न करण्याची गरज आहे.
दरम्यान या सचिन मशीन साठी ट्रॅक्टर नसल्याने समस्या निर्माण होत आहे. तेव्हा तालुका पंचायतीने एक ट्रॅक्टर खरेदी करून सकिंग मशिनचा वापर करण्यास सुरुवात करावी याचबरोबर निश्चित भाडे आकारून ही सकिंग मशीन नागरिकांच्या उपयोगात आणावी अशी मागणी जोर धरू लागली आहे. सुमारे 15 ते वीस लाख रुपये मशीन साठी खर्च करण्यात आले आहेत.
मात्र त्याचा उपयोग होत नसल्याने ती तालुका पंचायत कार्यालयासमोर तशीच पडून आहे. या मशीनचा उपयोग नागरिकांसाठी करण्यासाठी वारंवार आवाज उठविण्यात आला. मात्र याकडे दुर्लक्ष होत असल्याचे दिसून येत आहे. तालुका पंचायत मधील काही नेत्यांनी आलेल्या अनुदानात गोंधळ करून आपल्या अधिकाराखाली रक्कम ठेवली आहे. त्या रकमेतून ट्रॅक्टर घेण्याची मागणीही जोर धरू लागली आहे.
त्यामुळे याकडे गांभीर्याने लक्ष देऊन सकिंग मशीनचा वापर नागरिकांच्या उपयोगात आणावा अशी मागणी होत आहे. मागील चार ते पाच वर्षापासून ही सकिंग मशीन तालुका पंचायत समोर पडून आहे.
याबाबत तालुका पंचायतीच्या कार्यकारी अधिकाऱ्यांची संवाद साधला असता त्यांनी ज्यांना गरज आहे त्यांनी ट्रॅक्टर आणून मशीनचा उपयोग करून घ्यावा असे आवाहन केले आहे. त्यामुळे ज्या नागरिकांना गरज आहे त्यांनी स्वतः खर्च करून या मशीनचा वापर करण्याचे आवाहन करण्यात आले आहे. याबाबत तालुका पंचायतची परवानगी घेऊन याचा वापर करावा अशी मागणी होत आहे.
