गेल्या 24 तासात बेळगाव जिल्ह्यातील तीन रुग्णांसह राज्यात नव्याने एकूण 317 कोरोनाबाधित रुग्ण आढळून आले आहेत. त्यामुळे कर्नाटक राज्य आरोग्य आणि कुटुंब कल्याण खात्याने जाहीर केलेल्या कोरोना वैद्यकीय प्रसिद्धी पत्रकानुसार मंगळवार दि. 16 जून सायंकाळी 5 वाजेपर्यंत राज्यातील कोरोनेबाधितांची एकूण संख्या 7,530 इतकी झाली असून कोरोनामुळे राज्यात आणखी 7 जणांचा मृत्यू झाला आहे. नव्याने आढळलेल्या रुग्णांमुळे बेळगाव जिल्ह्यातील कोरोनाग्रस्तांची संख्या 307 झाली आहे.
राज्यात काल सायंकाळपासून सर्वाधिक रुग्ण मंगळूर (79) जिल्ह्यात आढळून आले असून त्यानंतर कलबुर्गी जिल्ह्याचा क्रमांक लागतो. कलबुर्गी येथील कोरोनाबाधितांची संख्या दिवसेंदिवस वाढत असून या जिल्ह्याने आज 1 हजार रुग्णांचा टप्पा ओलांडला आहे. त्यामुळे हा जिल्हा आता उडपी जिल्ह्याशी स्पर्धा करू लागला आहे. सध्या राज्यात सर्वाधिक रुग्ण उडपी जिल्ह्यात (1,035) असून त्याखालोखाल आता कलबुर्गी (1,007) जिल्ह्याचा क्रमांक लागला आहे.
राज्याच्या आरोग्य आणि कुटुंब कल्याण खात्याने जाहीर केलेल्या कोरोना वैद्यकीय प्रसिद्धी पत्रकानुसार सोमवार दि. 15 जून सायंकाळी 5 वाजल्यापासून आज मंगळवार दि. 16 जून 2020 रोजी सायंकाळी 5 वाजेपर्यंत राज्यात नव्याने 317 कोरोनाग्रस्त रुग्ण सापडले आहेत. नव्याने आढळलेल्या रुग्णांमध्ये 78 आंतरराष्ट्रीय, तर 108 आंतरराज्य प्रवाशांचा समावेश आहे. नव्याने आढळलेल्या रुग्णांमुळे राज्यातील कोरोनाबाधितांची एकूण संख्या 7,530 झाली आहे. राज्यात ॲक्टिव्ह केसेस 2,976 असून यापैकी 72 जणांवर अतिदक्षता विभागात उपचार सुरू आहेत. गेल्या 24 तासात कोरोनामुळे आणखी 7 जणांचा मृत्यू झाल्याने राज्यातील मृतांची संख्या 94 झाली असून यापैकी चौघांच्या मृत्यूचे कारण नॉन – कोव्हीड आहे.
चामराजनगरचा अंतर्भाव झाल्याने कर्नाटकातील कोरोनाग्रस्त जिल्ह्यांची संख्या एकूण 30 झाली असून या सर्व जिल्ह्यांमध्ये आज सापडलेले रुग्ण आणि एकूण रुग्ण संख्या पुढीलप्रमाणे आहे. मंगळूर (आज 79 रुग्ण – एकूण रुग्ण 370), कलबुर्गी (63 – 1007), बेळ्ळारी (53 -250), बेंगलोर शहर (47 – 772), धारवाड (8 -163), उडपी (7 -1035), शिमोगा (7 -101), यादगिरी (6 -828), रायचूर (6 -409), कारवार (6 -120), हासन (5 -243), विजयपुरा (4 -236), म्हैसूर (4 -118), गदग (4 -53), रामनगर (4 – 25), चिक्कमंगळूर (4 -23), कोप्पळ (4 -21), बेळगाव (3 -307), बिदर (2 -383), तुमकुर (1 -42), मंड्या (0 -343), दावणगिरी (0 -227), चिकबळ्ळापूर (0-152), बागलकोट (0 -107), कोलार (0 -48), चित्रदुर्ग (0 -43), बेंगलोर ग्रामीण (0 -38), हावेरी (0-27), कोडगु (0 -3) आणि चामराजनगर (आज 0 रुग्ण- एकूण रुग्ण 1). याखेरीज इतर 35 रुग्णांमध्ये परराज्यातील रुग्ण आणि परदेशातून आलेल्या प्रवासी रुग्णांचा समावेश आहे.
बेळगाव मध्ये मंगळवारी तीन पॉजीटिव्ह रुग्ण वाढले असून एकूण संख्या 307 झाली आहे तर डिस्चार्ज रुग्णांची संख्या 256 झाली आहे.एकूण 52 रुग्ण आयसोलेशन मध्ये आहेत.
आज सापडलेले तिघा महाराष्ट्र रिटर्न्स असून त्यात 21 वर्षीय महिला6 वर्षीय मुलगा आणि 52 वर्षीय इसमाचा समावेश आहे.
