यरमाळ रोड वडगाव येथे दोन गवत गंजींना आग लागून सुमारे 80 हजार रुपयांचे नुकसान झाल्याची घटना बुधवारी सायंकाळी 4:45 वाजण्याच्या सुमारास घडली. सदर गवत गंज्या माजी नगरसेवक मनोहर हलगेकर यांच्या मालकीच्या होत्या.
याबाबतची थोडक्यात माहिती अशी की, यरमाळ रोड वडगांव येथील माजी नगरसेवक मनोहर हलगेकर यांच्या गिरणी शेजारी दोन गवत गंज्यांनी बुधवारी सायंकाळी 4.30 ते 4.45 वाजण्याच्या सुमारास अचानक पेट घेतला. सदर प्रकार आसपासच्या नागरिकांच्या लक्षात येतात त्यांनी अग्निशामक दलाला कळविण्यात बरोबरच गवत गंजीला लागलेली आग आटोक्यात आणण्याचा प्रयत्न केला.
त्यानंतर घटनास्थळी दाखल झालेल्या अग्निशामक दलाच्या जवानांनी आग विझविण्याचा आटोकाट प्रयत्न केला, तथापि त्याचा कांहीच फायदा न होता दोन्ही गवत गंज्या जळून खाक झाल्या.ऐन उन्हात गवताचा तुटवडा असताना चाऱ्याच्या गंज्याना आग लागल्याने जनावरांच्या चारा भस्म झाला असून झाल्याने शेतकऱ्यांत हळहळ व्यक्त होत आहे
याप्रसंगी घटनास्थळी बघ्यांची एकच गर्दी झाली होती. या दुर्घटनेमुळे माजी नगरसेवक मनोहर हलगेकर यांचे सुमारे 80 हजार रुपयांचे नुकसान झाले आहे. शॉर्टसर्किटमुळे गवत गंजीला आग लागल्याचा कयास असून सदर घटनेची शहापूर पोलीस स्थानकात नोंद झाली आहे.
