देशव्यापी लॉक डाऊनमुळे पूर्णपणे ठप्प झालेली जिल्हा, राज्य आणि देशांतर्गत मालवाहतूक गुरुवारपासून सुरू करण्यात येणार आहे. यामुळे नागरिकांना दिलासा मिळणार असून त्यांना जीवनावश्यक वस्तू वेळेत उपलब्ध होणार आहेत.
जिल्हा, राज्य आणि देशांतर्गत माल वाहतुकीवरील बंदी उठविण्यात आल्यामुळे गेल्या अनेक दिवसांपासून बंद असलेली जिल्ह्यातील 20 ते 25 हजार मालवाहतूक करणारी वाहने गुरुवारी रस्त्यावर उतरणार आहेत. त्यामुळे नागरिकांना वेळेत जीवनाश्यक वस्तू आणि अन्नपदार्थ मिळणार आहेत. मालवाहतूक बंद झाल्याने सर्व सामान्य जीवनावर परिणाम झाला होता. या खेरीज लाॅक डाऊन पर्यायाने मालवाहतूक बंदीचा फायदा उठवत काही दुकानदारांनी जीवनावश्यक वस्तूंवर अव्वाच्या सव्वा दर आकारून नागरिकांची लूट चालवली होती. या प्रकाराला देखील आता आळा बसणार आहे.
दरम्यान, मालवाहतूक करणाऱ्या वाहनांना फक्त अत्यावश्यक सेवा साहित्य अन्नधान्य पुरवण्यासाठी परवानगी देण्यात आली आहे. या वाहनांमध्ये चालक वाहक व मोजके हमाल इतक्यातच परवानगी असणार आहे. तेंव्हा या वाहनांमध्ये प्रवासी आढळून आल्यास चालकावर कठोर कारवाई करण्याचा इशारा बेळगाव आरटीओंनी दिला आहे.
ज्या मालवाहतूक वाहनांचा परवाना आणि इन्शुरन्सचा कालावधी मार्च महिन्यात समाप्त झाला आहे त्यांच्यासाठी मुदत वाढ देण्यात आली असून यासंदर्भात टोल नाक्यावर सेवा उपलब्ध करून देण्यात येणार आहे.
Wrong decision. ..I am requesting to the District Administration that ,don’t start the transportiaton for one more week. People’s r with you to support. ..