रात्रभर पार्टी करत मौज मजा करत असताना क्षुल्लक कारणावरून झालेल्या भांडणातून स्वता सोबत काम करणाऱ्या मित्राचा खून केल्याची घटना घडली आहे.आरटीओ सर्कल जवळील एका लॉजमध्ये हॉटेल कामगाराचा खून त्याच्याच सहकाऱ्यांनी केला आहे. ही झाल्याची घटना सोमवारी सकाळी उघडकीस आली.
विनायक कलाल वय 30 राहणार गोकाक घटप्रभा असे त्या खून झालेल्या हॉटेल कामगाराचे नाव आहे.पोलिसांनी दिलेल्या माहितीनुसार लॉज मधील कामगार रात्रभर पार्टी करत होते क्षुल्लक कारणावरून झालेल्या भांडणातून सहकाऱ्यांक चाकूने हल्ला करत खून केला आहे.
गेल्या दोन महिन्यांपासून आर टी ओ सर्कल जवळील राजपुरोहित लॉज मध्ये तिघे मित्र काम करत होते सोमवारी रात्री त्यांनी पार्टी केली होती दारूच्या नशेत त्यांनी विनायकचा खून करून मृतदेह शौचालयात टाकला होता सकाळी आपापले काम सुरू केले होते. लॉज मालका कडून विनायक बाबत विचारणा झाली असता तो कामाला आला नाही बाहेर गेलाय असे खोटे सांगण्यात आले होते.
लॉज मालका कडून सी सी टी व्ही तपासली असता तिघे जण विनायक सोबत भांडत असल्याचे दिसले होते त्या नंतर लॉज मधील दुसरा कर्मचारी शौचालयाकडे गेला त्याने मयत विनायक चा मृतदेह पाहिला व लॉज मालकाला सांगितले त्या नंतर याबाबत पोलिसांना कल्पना देण्यात आली.
मार्केटचे एसीपी एन व्ही बरमणी, पोलीस निरीक्षक विजय मुरगुंडी आदी अधिकाऱ्यांनी घटनास्थळी दाखल होऊन पाहणी केली आहे. तपास सुरू केला आहे. याप्रकरणी पोलिसांनी दोघांना अटक केली आहे.नवीन शशिकुमार आणो अमित हे तिघे विनायक सोबत पार्टी करत होते असे तपासात निष्पन्न झाले आहे मात्र खुनाचे नेमके कारण अजून अस्पष्ट आहे. मार्केट पोलिसांनी याप्रकरणी गुन्हा नोंद झाला आहे.
