मोठ्या पावसाच्या प्रतीक्षेत असलेल्या बेळगावकराना सध्या रिमझिम पावसावरच समाधान मानावे लागत आहेत.
गत आठवडाभरापासून पावसाचा लपंडाव सुरू होता शनिवारी सकाळी पासून सुरू झालेल्या पावसाच्या रिपरिप मुळे हळुहळु बेळगाव शहरातील उपनगरात पाणी साचत आहे.
बेळगाव शहरातील शाहू नगर आणि एस सी मोटर्स भागात पाणी साचलं असून वीस हुन अधिक घरे पाण्याखाली गेली आहेत.न्यु गांधी नगर उज्वल नगर शास्त्रीनगर आदी खाली असलेल्या उपनगरात पाणी साचत आहे.
यंदा मान्सूनचे लवकर आगमन होणार असल्याचा हवामान खात्याने अंदाज वर्तविल्याने शेतकऱ्यांसह सर्वांमध्ये समाधानाचे वातावरण निर्माण झाले होते. मात्र जूनचा पहिला आठवडा गेला, दुसरा आठवडा गेला तरी देखील पावसाचा थेंबसुद्धा पहायला मिळाला नाही. मान्सून सोडा पण वळीव पावसानेही यंदा पाठ फिरविल्याने सीमाभागात अनेक ठिकाणी पाणीसंकट तीव्र झाले होते. जून महिन्याचे तिन आठवडे उलटल्यानंतर दोन दिवस वळीव पावसाने जिल्ह्याच्या काही भागात हजेरी लावल्याने मान्सूनच्या आशा पल्लवित झाल्या होत्या. मात्र त्यानंतरही कडक ऊन पडू लागल्याने बळीराजा हवालदिल झाला होता. अखेर शुक्रवारी मध्यरात्रीपासून आता पर्यंत सर्वत्र पावसाची रिपरिप सुरू झाल्याने आनंदाचे वातावरण निर्माण झाले आहे.
रिमझिम पाऊस पडत असल्याने तो जमिनीत मुरत आहे. राकोसकोप तलावात फारसे पाणी वाढलेले नाही. त्यामुळे बेळगावकराना पाणी कपातीचा सामना करावाच लागत आहे या पावसाने पाणी टंचाई मिटेल अशी आशा असून अजून मोठ्या पावसाची गरज आहे.
