बेळगाव शहराच्या जवळ असलेल्या सांबरा विमानतळाला लवकरच चांगले दिवस येणार आहेत. जास्तीत जास्त विमानांची भर या विमानतळावर पडणार असून नागरिकांच्या प्रतीक्षेत असलेली बेळगाव मुंबई विमानसेवा येत्या महिन्याभरात सुरू होण्याच्या हालचाली आहेत.
एक मे पासून विमानतळावरून बेळगाव ते हैदराबाद विमानसेवा सुरू झाली तर 15 मे पासून बेळगाव ते अहमदाबाद विमान सुरू होणार आहे. त्याचबरोबरीने जून महिन्याच्या सुरुवातीपर्यंत बेळगाव मुंबई ही सर्वात महत्त्वाची असणारी ही विमानसेवा सुरू होण्याची शक्यता आहे.
बेळगावहून बेंगलोर पेक्षा मुंबईला विमान आवश्यक आहे पण प्राधान्यक्रमाने बंगलोरसाठी भर देण्यात येत होता, विमानसेवा बंद झाल्यानंतर एक ते दीड वर्षाचा काळ मुंबईसाठी विमानच नसल्यामुळे नागरिकांना प्रवासासाठी हुबळी येथे जाऊन मुंबईचे विमान पकडावे लागत होते, पण आता लवकरच मुंबईसाठी विमान मिळणार अशी माहिती मिळाली.
उडान योजने अंतर्गत तेरा शहरांसाठी विमानसेवा मंजूर झाले आहेत , या कंपन्या पुढे आल्यानंतर विमानसेवाना चालना मिळणार असली तरी सध्या बेंगलोर, हैदराबाद, अहमदाबाद बरोबरच मुंबईसाठी विमानसेवा सुरू होणार असल्यामुळे विमानतळावरील प्रवासी संख्या आणि इतर हालचाली वाढणार आहेत.
त्यामुळे बेळगाव शहर हे बंगळुरु हैद्राबाद अहमदाबाद नंतर मुंबईला देखील हवाई सेवेने जोडले जाणार आहे देशातील मोठी असलेली जेट एअरवेज विमान सेवा बंद झाल्याने मुंबई विमान तळावर ए टी सी कडून स्लॉट मिळू शकतो त्यामुळे बेळगाव मुंबई ही सेवा लवकर सुरू होईल अशी शक्यता आहे.